تۇركيا فۋتبول فەدەراتسياسىنىڭ پرەزيدەنتى يىلدىرىم دەميرەرەن ءتورتىنشى جىل قاتارىنان ۋەفا-عا ءوتىنىش بەرگەنىن جانە بۇل بىرىنشىلىكتى وتكىزۋگە تولىق دايىن ەكەندەرىن ايتتى. «ءبىز ۋەفا-نىڭ باس حاتشىسىنا ەۋرو-2024 ءتۋرنيرىن وتكىزۋگە ءوتىنىشىمىزدى بەردىك. فۋتبولدان ەۋروپا چەمپيوناتىن وتكىزۋگە تولىق دايىنبىز. سوندىقتان دا ءبىز ءتورت جىلدان بەرى ۋەفا-عا كارى قۇرلىق بىرىنشىلىگىن ۇيىمداستىرۋعا مۇمكىندىگىمىز جەتەتىنىن ايتىپ كەلەمىز. مەنىڭشە, ءبىز وسى جىلى جەڭىسكە جەتەمىز دەپ ويلايمىن. سەبەبى ۇكىمەت تاراپىنان بىزگە قولداۋ كورسەتىلىپ وتىر», دەيدى ول.
تۇركياعا دەيىن 2024 جىلعى ەۋروپا چەمپيوناتىن وتكىزۋگە گەرمانيا دا ءوز وتىنىشتەرىن بەرگەن. ەۋرو-2024 جىلى قاي ەلدە وتەتىنىن الداعى قىركۇيەك ايىنىڭ 27-ءسى كۇنى ۋەفا-نىڭ اتقارۋشى كوميتەتىنىڭ وتىرىسىندا بەلگىلى بولادى.
دايىنداعان ءالي بيتورە,
«ەگەمەن قازاقستان»
