اكتسياعا وبلىسى اكىمى اپپاراتىنىڭ «قوعامدىق كەلىسىم ورتالىعى» كوممۋنالدىق مەملەكەتتىك مەكەمەسىنىڭ ءبولىم مەڭگەرۋشىسى, ساياسي عىلىمدارىنىڭ كانديداتى ساۋلەت ساحيەۆ, «نۇر وتان» پارتياسىنىڭ قىزىلوردا قالالىق فيليالى «دارىن» باستاۋىش پارتيا ۇيىمىنىڭ توراعاسى ابۋناسىر الدابەرگەنوۆ جانە وبلىستاعى ءارتۇرلى ەتنوس وكىلدەرىنىڭ جاستارى قاتىستى.
القاقوتان جيىندا «قوعامدىق كەلىسىم ورتالىعى» كوممۋنالدىق مەملەكەتتىك مەكەمەسىنىڭ ءبولىم مەڭگەرۋشىسى ساۋلەت ساحيەۆ قازاقستان حالقى اسسامبلەياسىنىڭ وسى جىلدار ىشىندەگى جەتىستىكتەرىن اسسامبلەيا توراعاسى, ەلباسى نۇرسۇلتان ءابىش ۇلى نازارباەۆتىڭ ەڭبەگىمەن ۇشتاسىپ جاتقاندىعىن ايتتى. مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن مىندەتتەردى جۇزەگە اسىرۋعا مۇمكىندىك بەرەتىن نەگىزگى تىرەك رەتىندە «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسىنىڭ ماڭىزدىلىعان توقتالدى.
- بۇل جوبا گۋمانيتارلىق ءبىلىمنىڭ بارلىق باعىتى بويىنشا دۇنيە جۇزىندەگى الدىڭعى قاتارلى وقۋ ورىندارىندا قولدانىلاتىن الەمدەگى ەڭ تاڭداۋلى 100 وقۋلىقتىڭ قازاق تىلىنە اۋدارۋعا ارنالعانى ءبىزدى قاتتى قۋانتتى. بۇل -ۇلتتىق بولمىسىمىزدى ساقتاپ قانا قويماي, ودان ءارى دامىتىپ, الەمدىك وركەنيەت كوشىنە ىلەسۋدىڭ العى شارتتارى. سوندىقتان وقۋلىقتار ستۋدەنتتەر ءۇشىن دە, وقىتۋشى ماماندار ءۇشىن دە تاپتىرماس كومەكشى قۇرال بولاتىنى ءسوزسىز»,- دەدى ول.
جيىندا جاستار ەلىمىزدە جاسالىپ جاتقان جۇمىستارعا جاقسى باعاسىن بەردى. وڭدى وزگەرىستەرگە وزدەرىنىڭ دە اتسالىسىپ جاتقاندىقتارىن ايتتى.
باقتيار تايجان,
«ەگەمەن قازاقستان»
