الايدا تۇرعىنداردىڭ قوعامدىق ورىندارداعى ساپاسىز استان ۋلانۋى ءجيى ورىن الاتىندىقتان ولاردىڭ قىزمەت ساپاسىن تەكسەرۋدى جۇيەلى جولعا قويۋ ازاماتتارىمىزدىڭ ءومىرى مەن دەنساۋلىعىن ساقتار ەدى. پايدا تابامىز دەگەندەردىڭ زالالى باسقالارعا تيمەۋىنىڭ جولى وسى سياقتى.
وتكەندە عانا شىمكەنتتە بالمۇزداقتان جاپپاي ۋلانعان 200-دەي ادام اۋرۋحانالارعا ءتۇستى. ءبارىنىڭ دە دياگنوزى ىشەك ينفەكتسياسى مەن تاماقتىڭ ۋلى ينفەكتسياسى ەكەندىگى انىقتالدى. بالمۇزداقتىڭ قوسپالارى ەشقانداي رۇقسات ەتىلمەگەن, سانيتارلىق ەپيدەميولوگيالىق نورمالاردى ساقتاماعان ۇيىشىلىك جاعدايدا دايىندالىپتى.
وسى وقيعانىڭ دۇمپۋىمەن باسقا دا ازىق-ت ۇلىك ساۋدا ورىندارى تەكسەرىلگەندە قالا بويىنشا 57 ورىندا سانيتارلىق جانە گيگيەنالىق نورمالاردىڭ بۇزىلعانى انىقتالعان.
وسىنداي وقيعا باتىس قازاقستان وبلىسىنداعى اقساي قالاسىنىڭ جانىنداعى قىزىلتال كەنتىندە دە بولدى. بۇل جولى اۋداندىق اۋرۋحاناعا استان ۋلانعان 22 بالا بىردەن جەتكىزىلدى. پاۆلودار وبلىسىنداعى بەرەكە اۋىلىنىڭ مەكتەبىندەگى اسحانادان دا تەكسەرۋشىلەر كوپتەگەن بۇزۋشىلىقتار تاپتى. سونىڭ ىشىندە جەتكىزىلگەن ازىق-ت ۇلىكتىڭ ساپاسىن كورسەتكەن ەشقانداي قۇجاتتار بولماعان. ءتىپتى استانانىڭ كەيبىر مەكتەپتەرىنىڭ اسحانالارىنداعى تاماقتىڭ ساپاسىز ەكەندىگىن اتا-انالار كوميتەتتەرىنىڭ وكىلدەرى ايتىپ, دابىل كوتەردى.
مىنە, وسىنداي مىسالداردى جۇزدەپ كەلتىرۋگە بولادى. ولاردى جويۋدىڭ جالعىز جولى – ازىق ت ۇلىك, تاماق جەتكىزەتىن, ساتاتىن مەكەمەلەردىڭ جۇمىسىنا ءجىتى باقىلاۋ ورناتۋ. الدىمىزدا كوپتەگەن مەرەكەلەر كەلە جاتىر, ونىڭ ۇستىنە جازعى كانيكۋل كۇندەرى دە جاقىن. بۇل ۋاقىتتاردا مەكتەپ وقۋشىلارى قوعامدىق تاماقتاندىرۋ ورتالىقتارىنا ءجيى باراتىنى بەلگىلى. سوندىقتان ءبىز پرەمەر-ءمينيستردىڭ ورىنباسارى ەربولات دوساەۆقا دەپۋتاتتىق ساۋال جولداپ, ازاماتتارىمىزدىڭ, بالالاردىڭ, سونىڭ ىشىندە مەكتەپ وقۋشىلارىنىڭ ءومىرى مەن دەنساۋلىعىن ساقتاۋ ءۇشىن قوعامدىق تاماقتاندىرۋ ورىندارى جۇمىستارىنىڭ ساپاسىن قاداعالاۋ شارالارىن قولعا الۋدى سۇرادىق.
ارتۋر پلاتونوۆ,
ءماجىلىس دەپۋتاتى
