بۇل جاعداي ورتالىق مەملەكەتتىك ورگانداردىڭ جەرگىلىكتى ءوزىن-ءوزى باسقارۋ جۇمىستارىنا مونيتورينگ جاساپ, باقىلاۋ جۇرگىزبەيتىنىن كورسەتىپ تۇر. باقىلاۋ جوقتىقتىڭ كەسىرىنەن وسى كۇنگە دەيىن تەك بەس وبلىستا عانا (الماتى, اتىراۋ, جامبىل, قوستاناي, سولتۇستىك قازاقستان) جەرگىلىكتى قاۋىمداستىق جينالىسىنىڭ رەگلامەنتى بەلگىلەنگەن. ال مۇنداي رەگلامەنتسىز جەرگىلىكتى قاۋىمداستىق جينالىسىنىڭ لەگيتيمدى قۇرامىن انىقتاۋ مۇمكىن ەمەس. تەك وسىنداي قۇرام عانا زاڭ بويىنشا, دامۋ باعدارلاماسىن بەكىتىپ, اۋىلدىق وكرۋگتىڭ بيۋدجەتىن جاساۋعا كەلىسىم بەرە الادى.
دەمەك, وسى كۇنگە دەيىن جەرگىلىكتى اتقارۋ ورگاندارىنىڭ مالىمەتىندەگى دامۋ باعدارلاماسى مەن 2 مىڭ ادامنان ارتىق تۇرعىنى بار اۋىلدىق وكرۋگ بيۋدجەتىنىڭ بەكىتىلۋى اتالمىش بەس وبلىستان باسقا وڭىرلەردە زاڭسىز جاسالعان. وسىعان قاراماي ولارعا بيۋدجەت قاراجاتتارى بەرىلىپ, ولار جۇمسالىپ تا جاتىر.
سونىمەن قاتار اۋىلدىق وكرۋگتەردىڭ دامۋ باعدارلاماسىن جاساۋ ءۇشىن جەرگىلىكتى مامانداردى وقىتىپ, مەتودولوگيالىق كومەكتەر كورسەتۋلەر ءتيىستى دەڭگەيدە بولماعاندىقتان ولار ءارتۇرلى جاسالىپ, قايتا بەكىتۋگە تۋرا كەلىپ تۇر. ءسويتىپ بيۋدجەت قاراجاتى ءبولىنىپ, جۇمسالۋدا, بىراق باعدارلاما ءالى بەكىتىلمەگەن.
ءبىز وسى ماسەلەنىڭ ءبارىن پرەمەر-مينيستر باقىتجان ساعىنتاەۆتىڭ اتىنا دەپۋتاتتىق ساۋال رەتىندە جولداپ, تومەندەگى ۇسىنىستاردى جاسادىق:
– ۇكىمەت «جەرگىلىكتى مەملەكەتتىك باسقارۋ مەن ءوزىن-ءوزى باسقارۋ تۋرالى» زاڭ نورمالارىن ورىنداۋدا باقىلاۋدى كۇشەيتىپ جانە لاۋازىمدى تۇلعالاردىڭ جاۋاپكەرشىلىگىن ارتتىرۋى كەرەك. سونىمەن بىرگە جەرگىلىكتى اتقارۋ ورگاندارىنىڭ مالىمەتتەرىنە سىن كوزبەن قاراپ, ولاردى ساراپتاۋدى جەتىلدىرگەن ءجون;
– جەرگىلىكتى ءوزىن-ءوزى باسقارۋدىڭ العاشقى كەزەڭدەرىندە جۇيەلى تۇردە قاتەلىكتەر جىبەرۋىن بولدىرماۋ ءۇشىن ۇلتتىق ەكونوميكا مينيسترلىگىنە ولاردىڭ جۇمىسىنا مونيتورينگ جانە باقىلاۋ جاساۋ فۋنكتسيالارى بەرىلسىن;
سونىمەن بىرگە ءبىز ۇكىمەت باسشىسىنان جەرگىلىكتى ءوزىن-ءوزى باسقارۋدى دامىتۋ تۇجىرىمداماسىن ىسكە اسىرۋ جوسپارىنىڭ مەملەكەتتىك ورگاندار ۇكىمەتكە 2018 جىلدىڭ 1 اقپانىندا وتكىزۋگە ءتيىستى شارالارى تۋرالى اقپارات بەرۋدى سۇرادىق.
نۇرجان نۇرسيپاتوۆ,
سەنات دەپۋتاتى
