وليمپياداعا ەلىمىزدىڭ مەكتەپتەرىنەن 9-11 سىنىپتارىندا وقيتىن 200-دەن استام وقۋشى قاتىسىپتى. وليمپيادا «قۇرمەت» وردەنىنىڭ يەگەرى, اتاقتى مۇعالىمى قانيپا ومارعاليقىزى بىتىباەۆانى ەسكە الۋعا ارنالدى. وليمپيادا 2015 جىلدان باستاپ ەلىمىزدىڭ ءبىلىم جانە عىلىم مينيسترلىگى بەكىتكەن رەسپۋبليكالىق وليمپيادالار تىزبەسىنە ەنگىزىلدى. جۇلدەگەر اتاناتىن 11 سىنىپ وقۋشىلارىنا جوعارى وقۋ ورىندارىنا ءتۇسۋ بارىسىندا مەملەكەتتىك گرانتقا يە بولۋعا قۇقىق بەرەدى.
وليمپيادانىڭ وبلىستىق كەزەڭىندە ءى جانە ءىى ورىندارعا يە بولعان مەملەكەتتىك تىلدە وقىتىلاتىن جالپى ورتا ءبىلىم بەرۋ جانە مامانداندىرىلعان مەكتەپتەردىڭ 12 وقۋشىسى قاتىستى. وليمپيادا قورىتىندىسىندا ءى دارەجەلى ديپلومعا– وبلىس ورتالاعىنداعى «جاس دارىن» مامانداندىرىلعان مەكتەبىنىڭ 10, 11 سىنىپ وقۋشىلارى امانتاي ايگۇل, باۋىرجان اقەركە; II دارەجەلى ديپلومعا– 11 سىنىپ وقۋشىسىكەنجەحان ايدانا, ءىىى دارەجەلى ديپلومعا –ى.التىنسارين اتىنداعى گيمنازيا-ينتەرناتىنىڭ 11 سىنىپ وقۋشىسى يليمحان اقەركە يە بولدى. ال, ء«تىل شەبەرى» نوميناتسياسىن وڭىردەگى اقسۋ قالاسىنداعى مامانداندىرىلعان گيمنازيا مەكتەبىنىڭ 10 سىنىپ وقۋشىسى كاريباەۆا ماليكا يەلەندى.
سونىمەن بىرگە, «دارىن» رەسپۋبليكالىق عىلىمي-پراكتيكالىق ورتالىعىنىڭ قۇرمەت گراموتاسىمەن وبلىس ورتالىعىنداعى №38 نەگىزگى مەكتەبىنىڭ 9 سىنىپ وقۋشىسى سولتانمۇرات كاميلا, اقسۋداعى مامانداندىرىلعان گيمنازيانىڭ 9 سىنىپ وقۋشىسى كۇنتاەۆا ءامينا, «جاس دارىن» مامانداندىرىلعان مەكتەبىنىڭ 9 سىنىپ وقۋشىسى قۋناقپاي ماليكە جانە ى.التىنسارين اتىنداعى گيمنازيا-ينتەرناتىنىڭ 11 سىنىپ وقۋشىسى باكىباي تولعاناي ماراپاتتالدى. جەڭىمپازدار مەن جۇلدەگەرلەرگە باعالى سىيلىقتار تابىستالدى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: بايان امىرعالايەۆا
