«قر بعم ءبىلىم جانە عىلىم سالاسىنداعى باقىلاۋ كوميتەتىنىڭ كوميسسياسى جۇمىسىن اياقتاي سالىسىمەن, ءبىز اتالعان رەزيدەنتتەردى, دوكتورانتتار مەن ماگيسترانتتاردى وسى زالعا جيناپ, تەكسەرۋ قورىتىندىسى تۋرالى اقپاراتى جاريا ەتتىك. ولار اتالعان سەرتيفيكاتتاردىڭ جالعان ەكەندىگىن جاقسى بىلگەن. ءبىز ولاردىڭ ار-ۇياتتارى ويانىپ, ءوز ەرىكتەرىمەن وقۋدان شىعادى دەپ ۇمىتتەندىك. ويتكەنى, بارلىق قۇجاتتاردىڭ ىشكى ىستەر دەپارتامەنتىنە بەرىلگەندىگىن ايتتىق. ناتيجەسىندە 33 ادام ءوز ەرىكتەرىمەن وقۋدان شىعىپ كەتتى», - دەدى ول.
ۋنيۆەرسيتەت باسشىسىنىڭ ايتۋىنشا, جالعان سەرتيفيكاتقا قاتىستى تەرگەۋ امالدارى جۇرگىزىلىپ جاتىر. 18 ساۋىرگە دەيىن 26 ءىس سوتقا جىبەرىلگەن. جالپى 117 ءبىلىم الۋشىنىڭ 84-ءى سەرتيفيكاتتارىن تۇپنۇسقا دەپ ساناپ, ءوز ەرىكتەرىمەن وقۋدان شىعۋدان باس تارتقان. دەگەنمەن, ءبىلىم جانە عىلىم سالاسىنداعى باقىلاۋ كوميتەتىنىڭ كوميسسياسى ءوز جۇمىسىن اياقتاعاننان كەيىن اتالعان ءبىلىم الۋشىلاردىڭ بارلىعى وقۋدان شىعارىلدى
ء«بىز سوت شەشىمى شىققانداردىڭ ءتىزىمىن جاريا ەتەمىز. ولاردىڭ اتى-جوندەرىن حالىققا جەتكىزۋ قاجەت, ادامدار ءبىلۋى ءتيىس», - دەدى ءماجيت شايداروۆ.
رەكتوردىڭ ايتۋىنشا, ۋنيۆەرسيتەتتىڭ اتالعان سەرتيفيكاتتارىنىڭ تۇپنۇسقا ەكەندىگىن تەكسەرۋگە پروتسەستىڭ قيىندىعىنا بايلانىستى مۇمكىنشىلىگى جوق. «ونىڭ ۇستىنە بارلىق سەرتيفيكاتتاردى تەكسەرۋىمىزدى مىندەتتەيتىن ونداي نورما جوق. سەرتيفيكاتتاردىڭ تۇپنۇسقا ەكەندىگىن سوت-تەحنيكالىق ساراپتاما عانا ايقىنداي الادى», - دەدى ول.
