ونەر • 26 ءساۋىر, 2018

500 دومبىراشى قۇرمانعازىنىڭ كۇيىن ورىندايدى

377 رەت

كورسەتىلدى

1 مين

وقۋ ءۇشىن

1 مامىر – قازاقستان حالقىنىڭ بىرلىگى كۇنى 500 دومبىراشىدان قۇرالعان وركەستر «بايتەرەك» مونۋمەنتىنىڭ الدىنداعى الاڭدا قۇرمانعازىنىڭ ايگىلى «سارىارقا» كۇيىن ورىندايدى. فلەشموبتى قازاق حالقىنىڭ مادەنيەتى مەن مۋزىكاسىن دامىتۋ, جاستاردى پاتريوتيزمگە تاربيەلەۋ ماقساتىندا استانا قالاسىنىڭ مادەنيەت جانە سپورت باسقارماسى ۇيىمداستىرادى.

Egemen Qazaqstan

500 دومبىراشى قۇرمانعازىنىڭ كۇيىن ورىندايدى

ەلوردانىڭ 20 جىلدىعىنا ورايلاستىرىلعان « ۇلى دالا ءۇنى» اتتى اۋقىمدى شاراعا مۋزىكانت رەتىندە دە, كورەرمەن رەتىندە دە قاتىسۋعا بولادى. اشىق اسپان استىندا وتەتىن مەرەكەلىك فلەشموب كەزىندە قازاقتىڭ ۇلتتىق مۋزىكالىق اسپابىنىڭ كەرەمەت ءۇنى جينالعان قاۋىمنىڭ جۇرەگىن تەربەپ, راحاتقا بولەيدى.

فلەشموبقا قاتىسۋ ءۇشىن dombyra-flashmob.kz سايتىندا تىركەۋدەن ءوتىپ, بايلانىس تەلەفونىن قالدىرۋ كەرەك. ايتا كەتەيىك, سونداي-اق سايتتا شارانىڭ وتكىزىلۋىنە نەشە كۇن قالعانى كورسەتىلىپ وتىرادى. شارا 1 مامىردا ساعات 15:00-دە وتەدى.

سونىمەن قاتار فلەشموبقا بەلگىلى ايتىسكەر اقىندار دا قاتىسادى. جانداربەك بۇلعاقوۆ پەن سارا توقتامىس قوناقتاردى ءوز شەبەرلىكتەرىمەن ءتانتى ەتپەك. بۇدان باسقا, «NOMAD» ينسترۋمەنتالدى جوباسى ءوزىنىڭ تانىمال كومپوزيتسيالارىن ورىندايدى.

«ەگەمەن-اقپارات»