نىساندى تەكسەرۋ كەزىندە مەديتسينالىق ورتالىقتىڭ ديرەكتورى ۆ. موتورىكين پرەمەر-مينيسترگە مەكەمە جۇمىسى تۋرالى ايتىپ, جۇرەككە كۇردەلى وپەراتسيالاردى جۇرگىزۋگە مۇمكىندىك بەرەتىن Innova IGS 530 جاڭا انگيوگرافيالىق قوندىرعىنى كورسەتتى. ب. ساعىنتاەۆ بۋبنوۆسكي ورتالىعىنا بارعان كەزدە وسىندا ەنگىزىلگەن كينەزيتەراپيا ادىستەرىمەن جانە وڭالتۋعا ارنالعان جاڭا قۇرالدارمەن تانىستى.
بۇگىنگى تاڭدا «قازاقمىس» كورپوراتسياسىنىڭ مەديتسينالىق ورتالىعىندا 1200-دەن استام ادام, ونىڭ ىشىندە 124 دارىگەر (جوعارى ساناتتاعى 45 دارىگەر), 800-دەن استام مەدبيكە جۇمىس ىستەيدى. ورتالىق دەنساۋلىق ساقتاۋ ورىندارىنا قىزمەت كورسەتۋ, كاسىبي دارىگەرلىك تەكسەرۋ, شۇعىل, امبۋلاتورلىق-ەمحانالىق, ستاتسيونارلىق مەديتسينالىق كومەك كورسەتۋ, ءدارىحانا قىزمەتتەرىمەن اينالىسادى.
توسەك ورىندارىنىڭ سانى - 300, ەمحانادا قابىلداۋ - كۇنىنە 1000 ادامعا دەيىن. 2004 جىلى «قازاقمىس» كورپوراتسياسى مەن فرايبۋرگ ۋنيۆەرسيتەتتىك كلينيكاسى اراسىندا مەديتسينا سالاسىندا بىرلەسىپ جۇمىس اتقارۋ تۋرالى كەلىسىمگە قول قويىلدى. ونىڭ نەگىزىندە ەمدەۋ جانە قىزمەت كورسەتۋ سالاسىندا ەۋروپالىق ستاندارتتار ەنگىزىلۋدە, بىرلەسكەن جوبالار جۇزەگە اسىرىلىپ جاتىر. مەديتسينالىق ورتالىقتىڭ بىرقاتار دارىگەرى گەرمانيادا دارىگەرلىك تاجىريبەدەن وتۋگە رۇقسات الدى.
