ولار – ەكسپورتتىق جانە يمپورتتىق كەدەن راسىمدەرىنەن ءوتۋ بارىسىندا ء«بىر تەرەزە» قاعيداتىن ەنگىزۋ, ەلەكتروندى دەكلاراتسيالاۋ جۇيەسىن دامىتۋ, ەكسپورت پەن يمپورت ءۇشىن قۇجاتتار سانىن جانە ولاردى وڭدەۋ ۋاقىتىن قىسقارتۋ.
وسىعان وراي كەدەندىك جانە سالىقتىق اكىمشىلەندىرۋدىڭ اۆتوماتتاندىرىلعان جۇيەسى «اسيكۋدا» پلاتفورماسىنىڭ نەگىزىندە «استانا-1» باعدارلاماسىندا ەلەكتروندى كەدەندىك رەسىمدەۋدىڭ ىسكە اسىرىلۋى 2018 جىلدىڭ ءساۋىر ايىنان باستاپ تولىقتاي جۇزەگە اسىرىلدى دەۋگە بولادى. ەلەكتروندى دەكلاراتسيانىڭ ءبىرىنشى كەزەڭى 2017 جىلدىڭ 1 قازانىنان «كەدەندىك ترانزيت» ءراسىمىن ەنگىزۋدەن باستالسا, ەكىنشى كەزەڭى 2018 جىلدىڭ 1 قاڭتارىنان «ەكسپورت» كەدەندىك ءراسىمىن ەنگىزۋمەن جالعاسىن تاپتى. ال 2018 جىلدىڭ 1 ساۋىرىنەن باستاپ تاۋارلاردى بارلىق كەدەندىك راسىمدەردە ەلەكتروندى دەكلاراتسيالاۋعا كوشىرىلدى.
اSYسUDA AS – جاڭارتىلعان پلاتفورماسىنىڭ جاڭارتىلعان ASYCUDA يۋنكتاد World جۇيەسى الەمنىڭ 95 ەلىندە ەنگىزىلگەن. ول Doing Business رەيتينگىندە دۇنيەجۇزىلىك كەدەن ۇيىمى مەن دۇنيەجۇزىلىك ساۋدا ۇيىمىنىڭ تالاپتارىنا جانە ستاندارتتارىنا تولىقتاي سايكەس كەلەدى. «استانا-1» اۆتوماتتىق جۇيەسىن ەنگىزۋدىڭ نەگىزگى ماقساتى كەدەندىك رەسىمدەۋ كەزىندەگى پروتسەدۋرالاردى جەڭىلدەتۋگە باعىتتالعان. بۇل جۇيە ءوزىن-ءوزى تىركەۋ, قاشىقتان ەلەكتروندى دەكلاراتسيالاۋ, قاعازسىز تاۋار-ىلەسپە قۇجاتتارى, ەلەكتروندى تولەمدەر, كەدەن بەكەتى مەن تاۋاردى جەتكىزۋ ورنىن تاڭداۋ جانە سول سەكىلدى باسقا دا فۋنكتسيالاردى اتقارادى.
«استانا-1» اج كونفيگۋراتسياسى 2018 جىلدىڭ 1 قاڭتارىنان باستاپ كۇشىنە ەنگەن ەۋرازەق-تىڭ جاڭا كەدەن كودەكسىنىڭ نورمالارىنا ساي كەلەدى. ال قازىرگى تاڭدا الماتى قالاسى بويىنشا مكد-مەن 12 000-نان اسا دەكلاراتسيا رەسىمدەۋدەن وتكەن, ونىڭ 85 پايىزى كەدەن قىزمەتكەرىنىڭ قاتىسۋىنسىز اۆتوماتتى تۇردە شىعارىلعان. وسىعان دەيىن تاۋار دەكلاراتسيالارىنىڭ شىعارىلۋىنا ورتا ەسەپپەن 30 مينۋت جۇمسالسا, اتالمىش جۇيەدە كەدەندىك رەسىمدەۋگە نەبارى 1 مينۋتتاي ۋاقىت قاجەت. اقپاراتتىق جۇيەدە ينديكاتورلار ىسكە قوسىلعان جاعدايدا, قوسىمشا قۇجاتتار سۇراتىلىپ, ولاردى قاشىقتىقتان ۇسىنۋعا مۇمكىندىك بەرەدى. سونىمەن قاتار كەدەندىك رەسىمدەۋ پروتسەستەرىن اۆتوماتتاندىرۋدىڭ وسىنداي شارالارى سىبايلاس جەمقورلىققا جول بەرمەۋدەگى نەگىزگى فاكتورلاردىڭ ءبىرى بولىپ تابىلادى.
ءسوز ورايى كەلگەندە, قازىرگى كەزدە سىرتقى ەكونوميكالىق قىزمەتكە قاتىسۋشىلاردىڭ تاراپىنان اتالمىش ەلەكتروندى دەكلاراتسيالاۋدىڭ ارتىقشىلىقتارى تۋرالى كوپتەگەن جاعىمدى پىكىرلەر ءتۇسىپ جاتقانىن ايتىپ وتكەنىمىز ءجون.
ءالىبي ەرجانوۆ,
قارجى مينيسترلىگىنىڭ مەملەكەتتىك كىرىستەر كوميتەتى الماتى قالاسى بويىنشا
مەملەكەتتىك كىرىستەر دەپارتامەنتى كەدەندىك باقىلاۋ باسقارماسى كەدەندىك
دەكلاراتسيالاۋدى باقىلاۋ ءبولىمى باسشىسىنىڭ مىندەتىن اتقارۋشى
