قازاقستان 2018 جىلعى 21-22 ساۋىردە اۋعانستاندا ورىن الىپ, ايەلدەر مەن بالالاردى قوسا العاندا, كوپتەگەن بەيبىت ازاماتتاردىڭ ولىمىنە اكەلىپ سوققان تەرروريستىك ارەكەتتەردى قاتاڭ تۇردە ايىپتايدى.
كوپتەن-كوپ زارداپ شەككەن اۋعان حالقى وسى جولى دايش جۇزىندە حالىقارالىق تەرروريزم تاراپىنان جۇزەگە اسىرىلعان جانە سايلاۋدىڭ الدىنداعى اۋعانستانداعى احۋالدى تۇراقسىزداندىرۋعا ماقسات ەتكەن ارسىز جانە قاتال ارەكەتتەرگە تاپ بولدى. حالىقارالىق تەرروريستىك ۇيىمدار سودىرلارى تاراپىنان جۇزەگە اسىرىلعان وسىنداي ارەكەتتەرىنىڭ قابىل تاراپىنان ەلدەگى ىشكى ساياسي جاعدايدى تۇراقتاندىرۋعا باعىتتاعان باستامالارىنا كەدەرگى كەلتىرمەيتىنىنە كامىل سەنەمىز.
قازاقستان تەرروريزمنىڭ كەز كەلگەن كورىنىسىنە قارسى ىمىراسىز كۇرەستى ءوزىنىڭ تولىق قولدايتىنىن راستاي وتىرىپ, تەرروريزمگە قارسى كەڭ اۋقىمدى حالىقارالىق كواليتسيا قۇرۋ ارقىلى وسى باعىتتاعى حالىقارالىق ارەكەتتەردى ۇيلەستىرۋدى بارىنشا نىعايتۋعا شاقىرادى. ادامگەرشىلىكتەن جات بۇل قاسىرەتتەردىڭ ۇيىمداستىرۋشىلارى مەن ناسيحاتشىلارى انىقتالىپ, قاتتى جازاعا تارتىلۋ قاجەت.
قازا تاپقانداردىڭ جانۇيالارى مەن جاقىندارىنا, اۋعانستاننىڭ حالقى مەن ۇكىمەتىنە ازالى كوڭىل بىلدىرە وتىرىپ, جاراقاتتانعانداردىڭ تەز ارادا ساۋىعۋىن تىلەيمىز.
