فورۋمنىڭ ماقساتى – يۆەستيتسيا مەن جاڭا تەحنولوگيا تارتۋ ءۇشىن اۋداننىڭ ينۆەستيتسيالىق الەۋەتىن كورسەتۋ, تۇرعىنداردىڭ ءومىر ءسۇرۋى مەن جۇمىس ىستەۋىنە بارىنشا جاعداي جاساۋ, سونداي-اق اۋداننىڭ ەكونوميكاسىن دامىتۋ. اۋدانىمىزعا ينۆەستيتسيا جانە تەحنولوگيا تارتۋدىڭ نەگىزگى العىشارتتارى: ينفراقۇرىلىمدى دامىتۋ, حالىق تىعىز ورنالاسقان اۋماقتار, قۇرىلىس جانە ت.ب. ءۇشىن بوس جەر تەلىمدەرى.
استانادا اۋداندىق دەڭگەيدە العاش رەت ۇيىمداستىرىلعالى وتىرعان فورۋمعا حالىقارالىق جانە قازاقستاندىق ساراپشىلار, مەملەكەتتىك ورگانداردىڭ, ۇلتتىق جانە جەكە كومپانيالاردىڭ وكىلدەرى قاتىسادى.
استانا ەكونوميكاسىنىڭ دامۋىندا كاسىپكەرلىكتىڭ ءار الۋان سالاسىنداعى ينۆەستيتسيالىق جوبالاردىڭ ىسكە اسىرىلۋى ماڭىزدى ءرول اتقارادى, ال بۇل ماسەلەنىڭ باستى فاكتورى جەر تەلىمى بولىپ ەسەپتەلەدى. ينۆەستيتسيالىق فورۋم شەڭبەرىندە ءارتۇرلى وبەكتىلەردى سالۋعا ارنالعان اۋداندا ورنالاسقان 100-دەن استام جەر تەلىمى كورسەتىلەدى.
فورۋمداعى پىكىرتالاس مىنا تاقىرىپتار بويىنشا ءوربيدى: ينۆەستيتسيالىق ورتانى دامىتۋ جانە جاڭا ينۆەستيتسيالار كوزىن تابۋ, ەكونوميكانىڭ كرەاتيۆتى سەكتورلارىن, تسيفرلاندىرۋ ەلەمەنتتەرى بار اقىلدى قالا جوباسىن, جانە قۇرىلىستى دامىتۋ.
سونىمەن قاتار, پلەنارلىق وتىرىستا بىرقاتار ەكىجاقتى ەكونوميكالىق قۇجاتتارعا قول قويىلادى.
ءىس-شارا Radisson قوناق ۇيىندە 10:00-13:00 ارالىعىندا وتەدى.
