فوتو: اقمارجان ادىلبەك
وبلىس ورتالىعىنداعى قالالىق تۇرعىن ءۇي-كوممۋنالدىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمىنىڭ حابارلاۋىنشا, جىل سايىنعى قايتالاناتىن شىبىن-شىركەيلەردى, ماسالاردى ۋلاۋ, دەزينسەكتسيا جۇمىستارىن بيىل «دەزۋس» جشس جۇرگىزبەكشى. بۇل جۇمىس بويىنشا, وبلىس ورتالىعى اۋماعىندا 7 215, مويىلدى اۋىلىندا 25 گەكتار جەر ماسادان تازارتىلادى. وبلىس ورتالىعى, اقسۋ قالالارىنىڭ اۋىلدىق اۋماقتارىنداعى 19 950 گەكتار جايىلىمدىق جەرلەرگە اۋەدەن دارىلەر سەبىلەدى. قالاداعى 43 ساياباقتا, سۋ قويمالارىندا دا ۋلاۋ جۇمىستارىن جۇرگىزۋ جوسپارلانعان. استاناداعى «ۇلتتىق ساراپتاما ورتالىعى» دا ماسالارمەن كۇرەس باستاعان جەرىگىلىكتى «دەزۋس» جشس عىلىمي تۇرعىدان قولداماق.
سەرىكتەستىك ساراپشىلارى قازىرگى ۋاقىتتا ەنتومولوگ, بيولوگ, پارازيتولوگ مامانداردان قۇرالعان توپ ەرتىس وزەنىنىڭ جايىلىمدىق اۋماقتارىندا 14 باقىلاۋ نۇكتەسى ارقىلى مونيتورينگ جۇرگىزۋدە. سونىمەن بىرگە, «كاۋستيك» زاۋىتى مەن «قازاقستان ءاليۋمينيى» اق-تا وندىرىستىك سۋ جينالىپ قالعان جەرلەردەن ءوسىپ-ءونىپ ۇشىپ شىعاتىن شىركەيلەردى تىكۇشاق ارقىلى ۋلاۋ جۇمىستارى جۇرگىزىلەدى.
فاريدا بىقاي,
«ەگەمەن قازاقستان»
پاۆلودار
