سىرتقى ىستەر مينيسترلىگى اقپاراتتىق تەحنولوگيالار باسقارماسىنىڭ باسشىسى ازامات بوكەباەۆتىڭ ايتۋىنشا, ديپلوماتيالىق قىزمەتكە ارنالعان بىرىڭعاي اقپاراتتىق جۇيە وسى سالاداعى قاعازباستىلىقتان قۇتىلۋعا جاعداي جاساپ, جۇمىستى جاڭعىرتۋعا مۇمكىندىك بەرەدى.
ال e-residence جوباسى ارقىلى ەلىمىزدە شەتەلدىك كومپانيالاردى رەزيدەنت رەتىندە ەلەكتروندى پورتال ارقىلى تىركەۋ كوزدەلىپ وتىر. سوعان سايكەس كاسىبىن جۇرگىزىپ, ونى قاشىقتان باسقارۋدى كوزدەگەن شەتەلدىكتەردىڭ تىركەلۋ ءۇشىن قازاقستانعا كەلۋى مىندەتتى ەمەس.
ا.بوكەباەۆتىڭ سوزىنە قاراعاندا, e-residence بيىل بايقاۋ رەتىندە ىسكە قوسىلادى. الدا-جالدا جوبانىڭ ءتيىمدى ەكەنى انىقتالسا, ونى 2020 جىلعا دەيىن ىسكە قوسۋ جوسپارلانعان.
«ەلەكتروندى رەزيدەنت – قازاقستان اۋماعىندا بولماي-اق كاسىپ جۇرگىزۋگە مۇمكىندىك بەرەدى. سول ارقىلى شەتەلدىك ازامات سالىق تولەۋ, زاڭدى تۇلعا تىركەۋ سەكىلدى بيزنەس جۇرگىزۋگە قاجەتتى بۇكىل پروتسەستى جاساي الادى. زاڭدى تۇلعاعا ءوزىنىڭ ەلەكتروندى تسيفرلىق قولتاڭباسى بار ID كارتا بەرىلەدى. ونىڭ كومەگىمەن ول قانداي دا ءبىر كەلىسىمدەر جاساسىپ, مەملەكەتتىك ورگانداردىڭ سەرۆيسى ارقىلى قۇجاتتارعا قول قويا الادى», دەدى ا.بوكەباەۆ.
اباي اسانكەلدى ۇلى,
«ەگەمەن قازاقستان»
