دەپۋتاتتىق ساۋالدا ۇكىمەتتىڭ قاۋلىسىمەن ەلىمىزدىڭ قارۋلى كۇشتەرىنىڭ قاجەتتىلىكتەرى ءۇشىن اسكەري-تەحنيكالىق, سونىڭ ىشىندە زاتتاي مۇلىكتى جەتكىزۋ بويىنشا مەملەكەتتىك قورعانىس تاپسىرىسىنىڭ جالعىز ورىنداۋشىسى رەتىندە انىقتالعان «قازاقستان ينجينيرينگ» ۇلتتىق كومپانياسى» اق زاتتاي م ۇلىكپەن قامتاماسىز ەتۋ بويىنشا ەڭ ءىرى ساتىپ الۋداعى بارلىق تاپسىرىستى «جاسامپاز» كونسورتسيۋمىنا بەرە سالعانى جونىندە ماسەلە كوتەرىلدى. ال كونسورتسيۋم ءوز كەزەگىندە تاپسىرىستى تەك ءوزىنىڭ مۇشەلەرىنە عانا تاراتىپ وتىرعان. سونداي-اق ءوندىرىس جەلىسىندە ءبىر-بىرىمەن ءوزارا ەش بايلانىسى جوق, بىرلەسكەن ءىس-شارالاردى تەك كەلىسىلگەن ءىس-ارەكەتتەردى جۇرگىزۋ تۋرالى ۋاعدالاستىق اياسىندا وتكىزىپ وتىرعان بىرەن-ساران تاۋار وندىرۋشىلەر عانا «جاسامپاز» كونسورتسيۋمىنىڭ مۇشەلەرى قاتارىندا بولعانى دا بەلگىلى بولدى.
وسىلايشا, اتالعان كونسورتسيۋم توقىما ونىمدەرىن جەتكىزەتىن وتاندىق الەۋەتتى تاۋار وندىرۋشىلەردىڭ قۇقىعىن شەكتەدى. بۇل ءادىل جانە ادال باسەكەلەستىكتى شەكتەۋگە جانە كومپانيالاردىڭ ءبىر توبىنىڭ نارىقتا جاساندى ۇستەمدىك جاعدايىن قالىپتاستىرۋعا الىپ كەلدى. ناقتىراق ايتساق, ەلىمىزدەگى جەڭىل ونەركاسىپ كاسىپورىندارى قاۋىمداستىعىنىڭ 80-نەن استام مۇشەسى وسى اتالعان مەملەكەتتىك قورعانىس تاپسىرىسىنىڭ ورىندالۋىنا قاتىسا المادى.
ۇلتتىق ەكونوميكا مينيسترلىگى ءبىزدىڭ دەپۋتاتتىق ساۋالىمىزعا بەرگەن رەسمي جاۋابىندا قورعانىس مينيسترلىگىنىڭ ءىس-ارەكەتىندە باسەكەلەستىكتى شەكتەۋگە باعىتتالعان سىبايلاس جەمقورلىق بەلگىلەرى بولۋى مۇمكىن ەكەندىگىن, سونداي-اق تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى بەلگىلەگەن جاعدايدا اتالعان مەملەكەتتىك ورگانعا قاتىستى تەرگەۋ ءىسى جۇرگىزىلەتىنىن اتاپ كورسەتكەن.
سونداي-اق جاۋاپتا «قازاقستان ينجينيرينگ» ۇلتتىق كومپانياسى» اق ءىس-ارەكەتتەرىندە نارىقتاعى باسەكەلەستىكتى شەكتەۋگە قاتىستى ۇستەمدىك نەمەسە مونوپوليالىق جاعدايدى تەرىس پايدالانۋ بەلگىلەرى بولۋى ىقتيمال ەكەندىگى دە كورسەتىلگەن جانە بارلىق تەكسەرۋ جۇمىستارى اياقتالعاندا قورىتىندىسى بويىنشا قوسىمشا اقپارات بەرەمىز دەگەن ۋادە بەرگەن ەدى. الايدا بۇگىنگى كۇنگە دەيىن ەشقانداي اقپارات تۇسكەن جوق.
وسىعان وراي, «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭعا سايكەس دەپۋتاتتىق ساۋالعا جاۋاپ قايتارۋ مەملەكەتتىك ورگانداردىڭ لاۋازىمدى تۇلعالارىنا رەسمي تۇردە قويىلعان تالاپ بولىپ سانالاتىنىن ەسكەرتە وتىرىپ, ءبىز ۇلتتىق ەكونوميكا ءمينيسترى ت.سۇلەيمەنوۆكە تاعى دا ساۋال جولداپ, لاۋازىمدى تۇلعا ءوز قۇزىرەتىنە كىرەتىن ماسەلەلەر بويىنشا ناقتى تۇسىنىكتەمە بەرۋگە نەمەسە ۇستانىمىن مالىمدەۋگە ءتيىس ەكەنىن ايتتىق. ساۋال جولدانعان ءاربىر لاۋازىمدى تۇلعا قويىلعان سۇراققا پارلامەنت سەسسياسىندا اۋىزشا نەمەسە جازباشا تۇردە جاۋاپ بەرۋگە مىندەتتى. ال ءبىز جوعارىدا كورسەتىلگەن ماسەلەلەر بويىنشا ۇەم تولىق جانە جان-جاقتى جاۋاپ بەرۋىن تالاپ ەتەمىز.
دانيا ەسپاەۆا,
ءماجىلىس دەپۋتاتى
