جيىندى كىرىسپە سوزبەن اشقان ۇيىمداستىرۋشى ۇستاز ايجان جانبىلوۆا ەلباسى «بولاشاققا باعدار: رۋحاني جاڭعىرۋ» باعدارلاماسىندا قوعامدىق سانا جاڭعىرۋدىڭ نەگىزگى قاعيدالارىن قالىپتاستىرۋدى عانا ەمەس, سونىمەن بىرگە زامان سىناعىنا لايىقتى توتەپ بەرۋدىڭ ناقتى جوبالارىن جۇزەگە اسىرۋ تالابىن قويعانىن ايتا كەلىپ, بۇل ورايدا تاياۋ جىلداردا اتقارىلاتىن ىرگەلى مىندەتتەر ىشىندە «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى زور ماڭىزعا يە ەكەنىن اتاپ ءوتتى. كوللەدجدە وقيتىن ءبىر مىڭنان استام ستۋدەنت 14 ماماندىققا دايارلانادى. ءبىلىم جانە تاربيە ماسەلەلەرىمەن 112 وقىتۋشى اينالىسادى. مەملەكەت باسشىسى ۇسىنعان جوبا بويىنشا ءبارىمىزدىڭ العى ماقساتىمىز الەمدىك باسەكەگە قابىلەتتىلىك ورىستەگەن جاھاندانۋ جاعدايىندا حالىقارالىق تالاپتارعا ساي ساپالى ءبىلىم بەرۋمەن قاتار, ۇلتتىق-رۋحاني تامىردان قول ۇزبەۋدىڭ وزىق ۇلگىلەرىن قالىپتاستىرۋ, تاجىريبەلەرىن ۇيرەنۋ بولماق, دەدى ول ءوز سوزىندە.
كىتاپحانا مەڭگەرۋشىسى ۆالەنتينا بۋكاتينا قازاق تىلىندەگى 100 جاڭا وقۋلىق جوباسىنىڭ تانىستىرىلىمى بارىسىندا ەلباسىنىڭ سويلەگەن سوزىنە ارنايى توقتالدى. قازاق ءتىلى – باي ءتىل. ونى دامىتۋدىڭ, بايىتۋدىڭ جولدارى سان الۋان. جوبا اياسىندا اتقارىلىپ جاتقان جۇمىس ناتيجەلەرى قۋانتارلىق. قازاق ءتىلىنىڭ كەڭىنەن قولدانىلۋىنا ۇكىمەت تاراپىنان بارلىق جاعداي تۋعىزىلعان. 18 كىتاپ پەن وقۋ ادىستەمەلەرىنىڭ جارىق كورۋى – ۇلكەن ءىستىڭ باسى. عىلىمي ءبىلىمنىڭ كەڭ اۋقىمى, ونىڭ ىشىندە الەۋمەتتانۋ, فيلوسوفيا, ءدىنتانۋ, ەكونوميكا, تاعى باسقا سالالار قامتىلعان.
«رۋحاني جاڭعىرۋ» باعدارلاماسىنىڭ باستى جوباسىن تالقىلاۋعا قاتىسقان مۇعالىمدەر بايان كارمانوۆا, وكسانا كوپىتوۆا, ستۋدەنت ەلۆيرا ۆەلگاۆدينوۆا جەرگىلىكتى تاجىريبەلەرمەن ءبولىستى. كوللەدج ەلىمىزدەگى بازالىق وقۋ ورنى سانالادى. 2011 جىلدان بەرى قازاق-نورۆەگ جوباسىنا قاتىسىپ كەلەدى. «ناتيجەلى جۇمىس جانە جاپپاي كاسىپكەرلىكتى دامىتۋ» باعدارلاماسى بويىنشا اسپاز, تاماق ءىسى, بۋحگالتەر, سلەسار-سانتەحنيك, ەلەكترمەن دانەكەرلەۋشى ماماندارى ازىرلەنەدى. مۇندا 50 وقۋ كابينەتى, 10 كومپيۋتەر سىنىبى, 270 ورىندى جاتاقحانا, 3 ارنايى زەرتحانا, 11 وقۋ-وندىرىستىك شەبەرحانا جۇمىس ىستەيدى. رومان شيشكين, ەرۋباي ەركەبۇلان, جانبولات ىڭكار, تاعى باسقا ستۋدەنتتەر حالىقارالىق, رەسپۋبليكالىق بايقاۋلاردىڭ جەڭىمپازى اتانعان. سويلەۋشىلەر «سەرپىن-2050» باعدارلاماسى شەڭبەرىندە وڭتۇستىك وڭىرلەردەن كەلگەن جاستاردىڭ وقيتىنىن, ءبىلىمدى مەملەكەتتىك تىلدە الاتىندارىن جەتكىزدى. «قۇرىلىس جانە ۇيلەر مەن قۇرىلىستاردى قولدانىسقا بەرۋ», «تەحنولوگيا جانە تاماقتاندىرۋ كاسىپورىندارىندا ءوندىرىستى ۇيىمداستىرۋ» بولىمدەرىندە دە وقۋ قازاق تىلىندە جۇرگىزىلەدى.
الداعى ۋاقىتتا دا گۋمانيتارلىق ءبىلىمنىڭ بارلىق باعىتتارى بويىنشا ەڭ جاقسى وقۋلىقتار قازاق تىلىندە جارىق كورەتىنىنە سەنىمدىمىز. مۇنىڭ ءوزى جاس بۋىننىڭ الەمنىڭ ەڭ تاڭداۋلى تۋىندىلارمەن كەڭىنەن تانىسۋىنا مۇمكىندىك بەرەدى. جاھاندىق باسەكەگە نەعۇرلىم بەيىمدەلگەن ماماندار دايارلاۋعا دا ىقپال ەتەدى. بۇعان دەيىن قۇندى ەڭبەكتەردى ورىس ءتىلى ارقىلى ءبىلىپ كەلسەك, ەندى تىكەلەي تانىسۋعا ايقارا جول اشىلىپ وتىر. 100 وقۋلىقتىڭ قازاق تىلىندە شىعۋى ءبىلىم دەڭگەيىن جاڭا ساپالىق دەڭگەيگە كوتەرەتىنى كۇمانسىز, دەستى دوڭگەلەك ۇستەلگە قاتىسۋشىلار.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
