رەسپۋبليكالىق «90 مىڭ ءتۇپ جاڭا اعاشتار» اكتسياسى شەڭبەرىندە مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگىنىڭ قوستاناي وبلىسى بويىنشا دەپارتامەنتى قىزمەتشىلەرى وبلىس ورتالىعىنداعى اللەيالاردىڭ ءبىرىن تازالاپ, وعان اعاش وتىرعىزدى.
الداعى تاياۋ ۋاقىتتا بۇل اۋماق «مەملەكەتتىك قىزمەت اللەياسى» دەگەن اتاۋ الاتىن بولادى. ول قوستاناي قالاسىنداعى اباي داڭعىلى مەن التىنسارين كوشەسىنىڭ قيىلىسىنا ورنالاسقان.
«دەپارتامەنت قىزمەتشىلەرى الداعى ۋاقىتتا وسى اللەيانى ۇنەمى تازارتىپ, كوركەيتۋدى, كوگالداندىرۋدى, تاعى دا جاڭا اعاشتار وتىرعىزىپ, ادامدار وتىراتىن ورىندىقتار جاساۋدى مىندەتىنە الادى. ول قالالىقتار مەن قالا قوناقتارى بوس ۋاقىتىن وتكىزۋگە, دەمالاتىن قولايلى ورىنعا اينالادى» دەيدى دەپارتامەنت باسشىسىنىڭ ورىنباسارى ەرلان سالىقباەۆ.
ءنازيرا جارىمبەت
«ەگەمەن قازاقستان»
قوستاناي
