ng.kz
جۇرتشىلىق جيىن وتكىزىپ, بولاشاق قالانىڭ اتىن توبىل دەپ قويۋعا ۇيعارىم دا جاساپ قويعان. قالا مارتەبەسىن سۇراعان قۇجاتتار قازىر رەسپۋبليكا باسشىلىعىنا جىبەرىلگەن, ەگەر ەلباسى قول قويسا, قوستانايعا قاناتتاس قالا قانات قاعادى.
وبلىس اكىمى ارحيمەد مۇحامبەتوۆ قاتىسقان ماجىلىستە بولاشاق قالانى دامىتۋ ماسەلەسى قارالدى. قوستاناي اۋدانىنىڭ اكىمى قايرات احمەتوۆ الدىمەن اۋداننىڭ بۇگىنگى ەكونوميكالىق-الەۋمەتتىك كورسەتكىشتەرىن ايتىپ ءوتتى. سوڭعى ەكى جىلدا اۋدان بيۋدجەتى 5,8 ملرد تەڭگەگە ارتتى, ياعني 7,5 ملرد تەڭگەدەن 13 ملردتان استام تەڭگەگە ءوستى. اۋدان حالقىنىڭ سانى 70 463 ادام, سونىڭ 51 پايىزىنان استامى اۋدان ورتالىعى مەن وعان ىرگەلەس زارەچنوە جانە ميچۋرين سەلولارىندا تۇرادى. بۇل سەلولاردىڭ ەكەۋى دە بولاشاق قالاعا قوسىلاتىن بولادى.
قايرات احمەتوۆ بولاشاق قالاعا ەڭ الدىمەن 16 مۆت قۋاتتى پودستانتسيا قاجەتتىگىن, ونىڭ قۇنى 2,2 ملرد تەڭگەگە تۇسەتىندىگىن ايتتى. ونىڭ سىرتىندا جولداردى جوندەۋ, اۋىز سۋمەن قامتاماسىز ەتۋدى, كاناليزاتسيانى كەڭەيتۋ, تۇرعىن ۇيلەر مەن دەنساۋلىق ساقتاۋ, مادەنيەت سالاسى نىساندارىن سالۋ, قالانى كوركەيتۋ مەن كوگالداندىرۋ جۇمىستارى جۇرگىزىلەتىندىگىن ايتتى. ولاردىڭ بارلىعى دا ميلليونداعان تەڭگە قارجىعا تۇسەتىنى بەلگىلى, اۋدان اكىمى ول قارجىنىڭ الدىن الا بولجامدى كولەمىن دە ورتاعا سالدى.
وبلىس اكىمى ارحيمەد مۇحامبەتوۆ اۋدان اكىمى قايرات احمەتوۆتەن اۋداننىڭ وندىرىستىك-يننوۆاتسيالىق دامۋى جوسپارىن سۇرادى. اۋدان اكىمى وعان وندىرىستىك جوبالار جاساۋعا ەش مۇمكىندىك جوق ەكەنىن, ويتكەنى پودستانتسيا قۋاتى جەتپەيتىندىكتەن ەلەكتر ەنەرگياسى تاپشى ەكەندىگىن ايتتى.
بولاشاق قالانى دامىتۋ ءۇشىن تەك بيۋدجەتتەن الا بەرگەن بولمايتىندىعىن, بيۋدجەتتى تولتىرۋ جاعىن دا ويلاستىرۋ كەرەكتىگىن ەسكەرتتى وبلىس اكىمى.
– ءوندىرىستى دامىتۋعا ينۆەستور, الەۋمەتتىك نىساندار سالۋعا مەملەكەت پەن جەكەنىڭ ارىپتەستىگىن ءتيىمدى پايدالانۋ كەرەك, – دەدى وبلىس اكىمى ارحيمەد مۇحامبەتوۆ. ول بولاشاق قالا ءۇشىن جاسالىپ وتىرعان بۇگىنگى جوسپاردىڭ بارلىعى دا الداعى ۋاقىتتا ورىندالاتىندىعىن, وعان ۋاقىت جانە ءتيىمدى جۇمىستار جۇرگىزۋ كەرەكتىگىن ايتتى.
ءنازيرا جارىمبەت
«ەگەمەن قازاقستان»
قوستاناي وبلىسى,
قوستاناي اۋدانى
