«وڭتۇستىك» ايماقتىق ينۆەستيتسيالىق ورتالىعىن ەكسپورتتىق الەۋەتتى دامىتۋ جانە ينۆەستيتسيا تارتۋ ماسەلەلەرى بويىنشا جۇمىس توبىنىڭ جەتەكشىسى, باسقارما توراعاسىنىڭ ورىنباسارى ا.قانسەيىت جانە «ىرىس» ميكروقارجى ۇيىمى ديرەكتورىنىڭ ورىنباسارى س.تۋلەنديەۆا تانىستىردى. G-Global Development Community وكىلدەرى رەتىندە وقو دەلەگاتسياسى ەڭ جوعارى ۆيپ قاتىسۋشى مارتەبەسىن الىپ, 140 مەملەكەتتىڭ 15 مىڭ قاتىسۋشىسى تىركەلگەن بارلىق اۋقىمدى ءىس-شارالارعا تولىق قاتىسۋ مۇمكىندىگىنە يە بولدى. ارنايى كونفەرەنتسيالارعا سالا كوشباسشىلارى, ايماقتىق جانە حالىقارالىق ورتاداعى نەگىزگى اكتسيونەرلەردەن قۇرالعان 1 500 دەلەگات قاتىستى. كورمە پاۆيلونىندا 500 ستەند ورناتىلىپ, وندا ءتۇرلى قاتىسۋشى كومپانيالاردىڭ ونىمدەرى ۇسىنىلدى.
شارا بارىسىندا ا.قانسەيىت حانىم اتالعان شارانىڭ باسشىلىعى Marketing Exhibitions Conferences كومپانياسى جانە بىرىككەن اراب امىرلىكتەرىنىڭ ەكونوميكا مينيسترلىگىمەن كەزدەستى. سونداي-اق, Q-Line, HKTDC, Steel Wood Industries FZCO, گرۋزيا تۋريزم ۇلتتىق اكىمشىلىگى, Azizi Developments قۇرىلىس كومپانياسىنىڭ باسشىلىعى, Oxford Property Investments, Balcanco, Dubai properties, FAM Properties جانە باسقا دا كومپانيالار مەن كەلىسسوزدەر جۇرگىزىپ, ىنتىماقتاستىق ورناتۋ ماسەلەلەرىن تالقىلادى. كەزدەسۋدىڭ شەتەل قاتىسۋشىلارىنا كومپانيا تۋرالى ماتەريالدار, ونىڭ ىشىندە «Invest in South-Kazakhstan region» بەينەروليگى كورسەتىلىپ, www.kazinvestor.com ينتەرنەت رەسۋرسى تانىستىرىلدى.
كەلىسسوزدەر بارىسىندا وقو-نىڭ ەكسپورتقا باعدارلانعان ينۆەستيتسيالىق جوبالارى بويىنشا ىنتىماقتاستىقتى نىعايتۋ ماسەلەلەرى تالقىلانىپ, ينۆەستورلارعا ۇسىنىلعان الەۋمەتتىك تۇرعىن-ءۇي, وقو بيزنەس ورتالىقتارى جانە ينفراقۇرىلىمدىق نىساندار قۇرىلىسى تۋرالى جوبالار باعالاندى.
سونداي-اق, كەزدەسۋلەر اياسىندا دەلەگاتسيا دۋباي جانە ابۋ-دابي قالالارىنداعى تۋريستىك الەۋەتتىڭ دامۋ بارىسىمەن تانىسىپ, ينۆەستورلاردى تارتۋ جانە بيزنەس-كليماتتى دامىتۋ ماقساتىندا تۋريزم ينفراقۇرىلىمىن ۇيىمداستىرۋ بويىنشا تاجىريبەسىن زەرتتەدى.
Marketing Exhibitions Conferences كومپانياسىمەن كەزدەسۋ بارىسىندا وقو-عا ينۆەستورلاردى تارتۋ بويىنشا مەموراندۋمعا قول قويۋ ماسەلەسى تالقىلاندى.
ءىس-شارا جانە ءباا قالالارىن زەرتتەۋ قورىتىندىسى بويىنشا ا.قانسەيىت ءباا-ءنىڭ ينۆەستيتسيالىق احۋالى جانە بيزنەستى دامىتۋدىڭ نەگىزگى فاكتورلارى بويىنشا تولىق اقپارات بەردى. الداعى ۋاقىتتا تالداۋ ناتيجەلەرى وقو-عا ينۆەستيتسيا تارتۋ جانە ەكسپورتتىق الەۋەتتى دامىتۋ بويىنشا «وڭتۇستىك» ايو تاراپىنان ستراتەگيا جاساۋ بارىسىندا ەسكەرىلەتىن بولادى. ايتا كەتۋ كەرەك, شارا قورىتىندىسى اياسىندا وقو ينۆەستيتسيالىق ينفراقۇرىلىمىن دامىتۋ بويىنشا ارنايى ستراتەگيالىق باعدارلاماسىن ازىرلەۋ جوسپارلانۋدا.
