جەرگىلىكتى دەلەگاتسيا قىتايدىڭ يانلين قالاسىندا ورنالاسقان اۋىل جانە ورمان شارۋاشىلىعى تەحنيكالىق ۋنيۆەرسيتەتىمەن مەموراندۋمعا قول قويىپ, ارىپتەستىك بايلانىس ورناتتى. ەكىجاقتى كەلىسىم بويىنشا قىتايلىقتار جاڭا اگروتەحنيكالىق پارك تۇرعىزادى. كەلەسى جىلى 2 ستۋدەنت پەن 5 ماگيسترانت اكادەميالىق ۇتقىرلىق باعدارلاماسى اياسىندا وقيتىن بولادى.
«يانلين ۋنيۆەرسيتەتىنىڭ عالىمدارى مامىر ايىندا بىزگە كەلىپ, اۋىل شارۋاشىلىعى داقىلدارى سۇرىپتارىن اۋدانداستىرۋ تاجىريبەسىمەن بولىسەدى. گروبيولوگيالىق ستانتسيادا شىعىمدىلىعىن باقىلاۋعا الادى», دەيدى سقمۋ-نىڭ اكادەميالىق ماسەلەلەر جونىندەگى پرورەكتورى ەربول يساقاەۆ. ەكى وقۋ ورداسى اۋىل جانە ورمان شارۋاشىلىعى سالاسىندا عىلىمي-زەرتتەۋ جۇمىستارىن جۇرگىزۋدى دە بەلگىلەپ وتىر.
ءىس-ساپار بارىسىندا ۋنيۆەرسيتەت دەلەگاتسياسى اسپان استى ەلىنىڭ استاناسى بەيجىڭدە جۇمىس ىستەيتىن مينزۋ ورتالىق ۋنيۆەرسيتەتىندە بولعان. مۇندا 15 مىڭعا جۋىق ستۋدەنت ءبىلىم الادى. قازاق ءتىلى مەن ادبيەتى ءپانىنىڭ مۇعالىمدەرىن دايارلايتىن ارنايى ءبولىم بار. "قازاق ءتىلى مەن ادەبيەتى" ماماندىعىنا دايارلانىپ جاتقان ەكى ستۋدەنتى مينزۋ ۋنيۆەرسيتەتىندە, ال ولاردان ەكى ستۋدەنت بىزگە كەلىپ, ءبىلىم الاتىن بولادى.
سقمۋ-دە اۋىل شارۋاشىلىعى ماماندىقتارى بويىنشا ءبىلىم الىپ جاتقان ستۋدەنتتەر "تايىنشا ماي" جشس-دە تاجىريبەدەن وتەدى. بۇل كاسىپورىننىڭ قۇرىلتايشىسى– قىتايلىق «ايتسزيۋي» كومپانياسى.
بۇگىنگە دەيىن جەرگىلىكتى جوو 40-تان استام شەتەلدىك ۋنيۆەرسيتەتپەن ارىپتەستىك ورناتىپ وتىر.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
