اقمولا وبلىستىق تىلدەردى دامىتۋ باسقارماسى مەملەكەتتىك ءتىلدى دامىتۋ قورىمەن بىرلەسىپ «لاتىن ارىپىنە كوشۋ – قازاق ءتىلىن دامىتۋ مەن جاڭعىرتۋ جولى» اتتى سەمينار وتكىزۋى سونىڭ دالەلى.
شارانىڭ ءبىرىنشى كەزەڭىندە ءوڭىر ستۋدەنتتەرى مەن جاستار قوعامدىق بىرلەستىكتەرىنىڭ وكىلدەرى, قازاق ءتىلى مەن ادەبيەتى ءپانىنىڭ مۇعالىمدەرى, اۋدارماشىلار مەن عالىمدار باس قوستى. ال مەكتەپ ۇستازدارى مەن 9-11- سىنىپ وقۋشىلارىن قامتىعان سەميناردىڭ ەكىنشى كەزەڭى № 3 كراسنىي-يار كوپ سالالى ورتا مەكتەپ-گيمنازياسى قابىرعاسىندا جۇرگىزىلدى. ءىس-شارا بارىسىندا سمارتفون جانە پلانشەتتەرگە (Android جانە ءىOS پلاتفورمالارى ءۇشىن) ارنالعان لاتىن ارىپتەرىمەن قازاقشا پەرنەتاقتا «Qazaq Latyn Keyboard» جاڭا جوباسىنىڭ تۇساۋكەسەرى جاسالدى.
شارانى اقمولا وبلىستىق تىلدەردى دامىتۋ باسقارماسىنىڭ باسشىسى مارال جاقىپوۆا جۇرگىزىپ وتىردى. مەملەكەتتىك ءتىلدى دامىتۋ قورىنىڭ ديرەكتورى ازات شاۋەەۆتىڭ ورىندى ەسكەرتپەلەرى مەن ۇتىمدى ۇسىنىستارى ىجداعاتتىلىقپەن تىڭدالدى. بۇدان كەيىن ءسوز العان قازاقستان جازۋشىلار وداعى استانا قالاسى فيليالىنىڭ ديرەكتورى, «مادەنيەت» پورتالىنىڭ باس رەداكتورى باۋىرجان قاراعىز ۇلىنىڭ, قور جوبالارىنىڭ ۇيلەستىرۋشىسى اسەت وسپانوۆتىڭ جانە ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتى قازاق فيلولوگياسى كافەدراسىنىڭ اعا وقىتۋشىسى, گۋمانيتارلىق عىلىمدار ماگيسترى لايس ءمۋسيننىڭ باياندامالارى تىڭدالدى. سونداي-اق قاتىسۋشىلار ءۇشىن اقمولا وبلىسى ارحيۆتەر مەن قۇجاتتامالار باسقارماسىنىڭ «قازاق لاتىن ءالىپبيى تاريحىنىڭ ارحيۆ قۇجاتتارى» تاقىرىبىندا جانە اقمولا وبلىسىنىڭ ءبىلىم جانە مادەنيەت باسقارماسىنىڭ «لاتىن الىپبيىنە كوشۋ – زامان تالابى» تاقىرىبىنداعى كورمەلەرى ۇيىمداستىرىلدى. اتالعان كورمەگە لاتىن گرافيكاسى جونىندە مەرزىمدى باسىلىم بەتتەرىندە جارىق كورگەن ماقالالار, زيالى قاۋىم وي-پىكىرلەرى, 1929-1940 جىلدار ارالىعىنداعى قازاق جازۋىنىڭ لاتىن گرافيكاسىندا كەڭىنەن قولدانىلعانىن راستايتىن مۇراعاتتىق قۇجاتتارى, ءبىلىم سالاسىنداعى سوڭعى يننوۆاتسيالار قويىلدى. ءىس-شارا سوڭىندا وبلىستىق تىلدەردى دامىتۋ باسقارماسى دايىنداعان وڭىردەگى جاس اقىنداردىڭ ونەرىن كورسەتەتىن ءۇش بەينەروليكتىڭ تۇساۋكەسەرى وتكىزىلدى.
اسقار تۇراپباي ۇلى,
«ەگەمەن قازاقستان»
اقمولا وبلىسى
