ۇلكەن تەاتردا ءان شىرقادى

سەرىكقالي بايمەنشە, «ەگەمەن قازاقستان» – ماسكەۋدەن.

«ۇلكەن تەاتردا ءان شىر­قادى» – ۆوكال ونەرىندە بۇل ءسوز كوپ جايدى اڭعارتادى. ۆەنا وپەراسى, پاريجدەگى گراند-وپەرا, نيۋ-يوركتەگى «مەتروپوليتەن-وپەرا» سياق­تى اسا بەدەلدى ساحنالار سا­ناتىندا تۇراتىن ۇلكەن تەاتردا ونەر كورسەتۋ قانداي ءانشى ءۇشىن دە ۇلكەن ابىروي. كەشە وسى ابىرويعا داريعا نازارباەۆا يە بولدى. ەلىمىز تاۋەلسىزدىگىنىڭ 20 جىلدىعىنا ارنالعان ۇلكەن تەاترداعى سالتاناتتى قازاق­ستاننىڭ رەسەيدەگى توتەنشە جانە وكىلەتتى ەلشىسى زاۋىت­بەك تۇرىسبەكوۆ كىرىسپە ءسوز سويلەپ اشتى. تۇتاس تاريحي داۋىرگە اينالعان بۇل 20 جىل­دا ءبىزدىڭ ەلىمىز تۇڭعىش پرەزيدەنت نۇرسۇلتان نازار­باەۆ­تىڭ باسشىلىعىمەن ەگەمەن مەملەكەتتىڭ بارلىق بەلگىلەرىنە يە بولىپ, ۇلكەن تابىس­تارعا جەتتى, دەپ اتاپ وتكەن ز.تۇرىسبەكوۆ ۇلكەن تەاتر ساحناسىنداعى داريعا نازار­باەۆانىڭ كونتسەرتى قازاقستان مەن رەسەيدى ودان ءارى جاقىن­داستىرۋعا قىزمەت ەتەتىنىن, سەبەبى مۋزىكا مەن ونەر بەيبىتشىلىك پەن كەلىسىم يدەيالا­رىن العا جىلجىتۋدىڭ ءتيىمدى تەتىگى ەكەنىن ايتتى. «قازاق­ستاندا وسى جىلداردا جاسال­عان شارالاردى ويلاساڭ قاي­ران قالاسىڭ. ازيانىڭ, الەم­نىڭ ەڭ سۇلۋ دا وسى زامانعى قالالارىنىڭ بىرىنە اينالعان استانانىڭ ءوزى نەگە تۇرادى. نۇرسۇلتان ءابىش ۇلىنىڭ بەرىك قولى مەن دانالىق ستراتە­گيا­لىق ەرىك-جىگەرى بولماسا, قا­زاقستاننىڭ جەتىستىكتەرى دە ءدال مۇندايلىق جارقىن بولماس ەدى», دەدى رەسەي فەدە­راتسياسى سىرتقى ىستەر مي­نيسترىنىڭ ءبىرىنشى ورىنباسارى اندرەي دەنيسوۆ. داريعا نازارباەۆانىڭ كون­تسەرتىنە «سازگەن سازى» فولك­لورلىق-ەتنوگرافيالىق ءانسامبلى, پيانيست تيمۋر ۋر­مانچەەۆ, رەسەي فەدەراتسياسى ىشكى ىستەر مينيسترلىگىنىڭ اكا­دەميالىق ءان-بي ءانسامبلى ءسۇ­يەمەلدەۋشىلىك جاسادى. تال­عام­پاز ماسكەۋ جۇرت­شىلىعى ءانشى ونەرىن جو­عارى باعالادى. اتاقتى ءانشى يوسيف كوبزون: «مەن ونىڭ داۋىسىن تالاي رەت – استانادا دا, ماسكەۋدە دە تىڭداعانمىن, ول, ءسوز جوق, كاسىبي ءانشى. داري­عانىڭ دا­ۋىسىن ەستۋگە تاعى دا شىن ىقىلاسىممەن كەلدىم» دەدى كونتسەرتتەن كەيىن. ۇلكەن تەاترداعى كەشكە رەسەي فەدەراتسياسىنىڭ مەملەكەتتىك ۆەدومستۆولارىنىڭ جەتەكشىلەرى, رەسەيدە تىركەلگەن شەتەل ەلشىلىكتەرىنىڭ ديپ­لوماتتارى, قازاق دياسپورا­سىنىڭ وكىلدەرى قاتىستى.