كىتاپحانانىڭ سيرەك قورىنداعى حح عاسىردىڭ باسىندا جارىق كورگەن «لاتىن قارپىندەگى باسىلىمدار» كورمەسى جەزكەنتتىك تۇرعىنداردىڭ نازارىنا ۇسىنىلىپ ەدى, بىردەن ولاردىڭ قىزىعۋشىلىعىنا يە بولدى.
-كورمەدە كىتاپحانامىزدىڭ سيرەك قورىنداعى 1929-1940 جىلدارداعى لاتىن گرافيكاسىنداعى كىتاپتار مەن ولاردىڭ اۆتورلارى تۋرالى مالىمەتتەر ورىن الدى. وسىعان بايلانىستى قىزىقتى اقپاراتتارمەن تۇرعىنداردى دا تانىستىرىپ وتتىك,-دەدى شىعىس قازاقستان وبلىستىق اباي اتىنداعى كىتاپحانا ديرەكتورىنىڭ ورىنباسارى گۇلميرا فاتيحقىزى.
لاتىن قارپىندەگى سيرەك كىتاپتاردا قازاق ەلىنىڭ سول تاريحي كەزەڭدەگى قوعامدىق-ساياسي, الەۋمەتتىك ومىرىنەن اقپارات بەرەتىن ۇلت زيالىلارىنىڭ زەرتتەۋلەرى, عىلىمي ەڭبەكتەرى قامتىلعان. عىلىم سالالارىنداعى ادەبيەتتەرگە كەلسەك, ق.باسىم ۇلىنىڭ, ق.جۇبانوۆتىڭ, ت.شونانوۆتىڭ, ۇ.ق ۇلىمبەتوۆتىڭ, ت.ارىستانبەكوۆتىڭ, ا.مامەتوۆتىڭ, ا.سەيىتوۆتىڭ, ءا.ەرمەكوۆتىڭ, ح.ەسەنباي ۇلىنىڭ, م.اۋەزوۆتىڭ ەڭبەكتەرىن وقۋعا بولادى.
سونداي-اق, كىتاپحانا قىزمەتكەرلەرى شارا قوناقتارىنا لاتىن قارپىندەگى كىتاپتاردى QR-كود ارقىلى وزدەرىنىڭ سمارتفوندارى مەن پلانشەتتەرىنە ەلەكتروندىق نۇسقاسىن كوشىرىپ الۋ جولدارىن كورسەتتى. جەزكەنت تۇرعىندارىنىڭ ريزاشىلىعىنا يە بولدى. كەزىڭدە مۇعالىم بولعان زەينەتكەر, ءبىزدىڭ كىتاپحانامىزدىڭ بايىرعى وقىرماندارى ۆالەنتينا كۋزميچنينا جانە ەكاتەرينا الەكساندروۆنا وسىنداي ءماندى دە ماعىنالى كىتاپ كورمەسى ءۇشىن راحمەتتەرىن ايتىپ, الداعى ۋاقىتتا دا وسىنداي كورمەمەن كەلىپ تۇرۋلارىن ءوتىندى. وسىلايشا كىتاپحانا ۇجىمى جەزكەنت تۇرعىندارىنىڭ ريزاشىلىعىنا يە بولىپ قايتتى.
راۋشان نۇعمانبەكوۆا,
سەمەي
