قۇجاتقا «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ جانە قازاقستان رەسپۋبليكاسى كاسىپوداقتار فەدەراتسياسىنىڭ توراعاسى باقىتجان ءابدىرايىم قول قويدى.
مەموراندۋم قازاقستان رەسپۋبليكاسى پرەزيدەنتى نۇرسۇلتان نازارباەۆتىڭ الەۋمەتتىك مەملەكەتتى قۇرۋ ءۇشىن اۋقىمدى ينستيتۋتسيونالدىق رەفورمالاردى وتكىزۋ ماقساتىندا بەكىتىلدى. الەۋمەتتىك مەملەكەتتىڭ باستى قۇندىلىعى ادام بولىپ تابىلادى. وسى ورايدا قوس تاراپ ىشكى ەڭبەك نارىعىن قورعاۋ, حالىقتى جۇمىسپەن قامتۋ, ازاماتتارىمىزدىڭ ەڭبەك جانە الەۋمەتتىك-ەكونوميكالىق قۇقىقتارى مەن مۇددەلەرىن قورعاۋ ءۇشىن پارتيالىق جانە قوعامدىق باقىلاۋ جۇرگىزۋ تۋرالى كەلىستى.
تاراپتار مەملەكەتتىك ورگاندارمەن بىرگە الەۋمەتتىك سيپاتقا يە توتەنشە جاعدايلار مەن ەڭبەك داۋلارىنىڭ الدىن-الۋ جانە شەشۋ جۇيەسىن ازىرلەۋگە جانە جەتىلدىرۋگە اتسالىسۋدى, ەڭبەك داۋلارىن شەشۋگە تاجىريبەلى ماماندار مەن بىلىكتى ساراپشىلاردى قاتىستىرۋدى جوسپارلاۋدا.
«نۇر وتان» پارتياسى مەن قركف ەڭبەك ۇجىمدارىنداعى باستاۋىش پارتيا ۇيىمدارىنىڭ جانە باستاۋىش كاسىپوداق ۇيىمدارىنىڭ ءرولىن ارتتىرۋ بويىنشا ۇسىنىستاردى ازىرلەۋ تۋرالى كەلىسىمگە كەلدى.
مەملەكەتتىك ورگانداردىڭ الدىندا ماڭىزدى ماسەلەلەردى كوتەرۋ ارقىلى حالىقتىڭ, سونىڭ ىشىندە الەۋمەتتىك ءالسىز توپتاردىڭ مۇڭ-مۇقتاجىن ءىس جۇزىندە جانە ءتيىمدى شەشۋ ءۇشىن بىرىككەن جۇمىستاردىڭ بولاشاعى زور بولماق.
سونىمەن قاتار, تاراپتار قازىرگى زاڭنامانى جەتىلدىرۋ بويىنشا ۇسىنىستار مەن پىكىرلەردى ازىرلەۋگە بىرىگىپ قاتىسۋعا جانە ولاردى ءتيىستى مەملەكەتتىك ورگاندارعا ەنگىزۋگە, سونداي-اق, نورماتيۆتىك قۇقىقتىق اكتىلەردىڭ جوباسىنىڭ قارالىمىنا قاتىسۋعا كەلىستى.
مەموراندۋم ءوزارا اقپارات الماسۋدى (تالداۋ جانە انىقتامالىق ماتەريالداردى قوسقاندا) جانە «مەملەكەت – ساياسي پارتيالار – كاسىبي وداقتار» فورماتىندا ارىپتەستىك مەحانيزمدەرىن ازىرلەۋدى قاراستىرادى.
تاراپتار مەموراندۋمدى جۇزەگە اسىرۋ اياسىندا عىلىمي-زەرتتەۋ, كونسالتينگتىك جانە ساراپتامالىق جوبالاردى جۇزەگە اسىرۋعا دايىندىعىن جەتكىزدى. سونداي-اق, قوعامدىق بىرلەستىكتەر مەن ۇيىمدارعا, سونىمەن قاتار, ىشكى ەڭبەك نارىعىن قورعاۋعا, حالىقتى جۇمىسپەن قامتۋعا, ازاماتتاردىڭ ەڭبەك قۇقىقتارىن قورعاۋعا باعىتتالعان باسقا دا ازاماتتىق قوعام ينستيتۋتتارىنا قولداۋ كورسەتەدى.
پارتيا مەن فەدەراتسيا ىنتىماقتاستىقتى نىعايتۋ ماقساتىندا وتاندىق, شەتەلدىك جانە حالىقارالىق ۇيىمدارمەن ءوزارا تابىستى جانە جۇيەلى قارىم-قاتىناس ورناتۋدى جوسپارلايدى.
