دەگەنمەن بۇل باعىتتا العا جىلجۋ بارىن دا جوققا شىعارۋعا بولماس. جاقىندا وسكەمەندەگى 21 كوشەنىڭ اتى اۋىساتىندىعىن گازەتىمىزدە جازعان ەدىك. ەندى مىنە جۋىردا قالالىق اكىمدىك وكىلدەرى وبلىس ورتالىعىنداعى ۇلكەن كوشەلەردىڭ ءبىرى ۆوروشيلوۆ كوشەسىنە ۇلاعاتتى ۇستاز, 40 جىلدان استام ۋاقىت كوكپەكتىدەگى بالالار ءۇيىن باسقارعان جاقيا ءشايجۇنىسوۆ اتىن بەرۋ جونىندە «كازگيپروتسۆەتمەت» جشس مەن «ۇزاق جاساۋ بەلسەندىلىگى ورتالىعى» الەۋمەتتىك باستامالار قورىنان ۇسىنىس تۇسكەنىن حابارلادى.
ايتا كەتەيىك, جاقيا ءشايجۇنىسوۆ 1914 جىلى اباي اۋدانىنىڭ قۇلمەندى اۋىلىندا دۇنيەگە كەلگەن. 1933 جىلدان 1938 جىلعا دەيىن بۇرىنعى سەمەي وبلىسىنداعى كوكپەكتى بالالار ۇيىندە وقۋ ءىسىنىڭ مەڭگەرۋشىسى, 1938 جىلدان دەمالىسقا شىققانشا وسى بالالار ءۇيىنىڭ ديرەكتورى بولعان. سوتسياليستىك ەڭبەك ەرى, لەنين وردەنى, “قۇرمەت بەلگىسى” وردەندەرىمەن جانە كوپتەگەن مەدالدارمەن ماراپاتتالعان. «قازاقستاننىڭ ەڭبەك سىڭىرگەن مۇعالىمى» قۇرمەتتى اتاعىنىڭ يەگەرى.
ازامات قاسىم,
«ەگەمەن قازاقستان»
وسكەمەن
