اتىراۋلىق جاس سپورتشىلار يسپاندىق كلۋب جاتتىقتىرۋشىلارىنىڭ جوعارى باعاسىنا يە بولعان. بۇقارالىق سپورتتى دامىتۋعا باعىتتالعان قادام تاعى ءبىر تىڭ شارامەن جالعاسپاق. 30 ساۋىردە اتىراۋدا العاشقى جاپپاي قايىرىمدىلىق ۆەلوجارىسى وتەدى.
-ۆەلوجارىس اياسىندا قايىرىمدىلىق جارمەڭكەسى مەن اۋكتسيون ۇيىمداستىرىلادى. وندا «استانا» ۆەلوكومانداسىنىڭ باعالى لوتتارى ساتىلىمعا شىعارىلادى. ساتىلىمنان تۇسكەن اقشالاي قاراجات وليمپيادالىق رەزەرۆتەگى بالالار-جاسوسپىرىمدەر سپورت مەكتەبىنىڭ ۆەلوسپورت ءبولىمىن سپورتتىق جابدىقتارمەن قامتۋعا جۇمسالادى. ۆەلوسپورت بولىمىندە 10 مەن 16 جاس ارالىعىنداعى 80-گە جۋىق سپورتشى ءدارىس الادى, - دەيدى اتالعان قوعامدىق قوردىڭ وكىلى تاڭات نۇرشين.
شاراعا «استانا» ۆەلوكومانداسى مۇشەلەرى, ۆەلوسپورتتان وليمپيادا چەمپيوندارى الەكساندر ۆينوكۋروۆ پەن زۋلفيا زابيروۆا, اۋىر اتلەتيكادان الەمنىڭ بىرنەشە دۇركىن چەمپيونى يليا يلين جانە اتىراۋلىق 1000-عا جۋىق ۆەلوسپورتسۇيەر قاۋىم قاتىسادى دەپ كۇتىلۋدە. ماحامبەت اتىنداعى وبلىستىق اكادەميالىق قازاق دراما تەاترى الدىنداعى الاڭنان باستالاتىن 9 شاقىرىم جولدا كىمنىڭ وزا شابارى ازىرگە بەلگىسىز, تىركەلۋ باستالدى.
باقىتگۇل باباش,
«ەگەمەن قازاقستان»
اتىراۋ
