شاراعا بارلىعى 400-دەن اسا وقۋشىلار قاتىستى. قوستاناي قالالىق ىشكى ىستەر باسقارماسى جەرگىلىكتى پوليتسيا قىزمەتىنىڭ قىزمەتكەرى, پوليتسيا مايورى ەلەنا ماگاسۋموۆانىڭ ايتۋىنشا, بايقاۋدىڭ باستى ماقساتى وقۋشىلاردىڭ بالالاردىڭ جول-كولىك وقيعاسىنان الاتىن جاراقاتىنىڭ الدىن الۋ, پروفيلاكتيكالىق جۇمىستاردى كۇشەيتۋ جانە جاسوسپىرمدەردىڭ جول قوزعالىسى ەرەجەلەرىنەن ءبىلىمىن شىڭداي ءتۇسۋ بولىپ تابىلادى.
جول قوزعالىسىنىڭ جاس ينسپەكتورلارىمەن جۇمىس بالالاردىڭ جول-كولىك وقيعاسىنان بولاتىن جاراقاتتانۋىنىڭ الدىن الۋدىڭ ەڭ ماڭىزدى ءبولىمى. قوستاناي ىشكى ىستەر باسقارماسىنىڭ ۇيىمداستىرۋىمەن 45 جىلدان بەرى وبلىستا مىڭداعان بالا جول قوزعالىسى ەرەجەسىنەن, قاۋىپسىزدىگىنەن ءبىلىم الىپ كەلەدى.
بايقاۋدا بالالار «جول قوزعالىسى ەرەجەسىنىڭ بىلگىرى», ء«بىلىمپازدار ءتۋرنيرى», «جاس رەتتەۋشى» سياقتى بىرنەشە اتالىم بويىنشا قيىن, كۇردەلى سۇراقتارعا جاۋاپ بەردى.
«مەكتەپ ومىرىندە جول قوزعالىسى جاس ينسپەكتورلارىنىڭ سلەتى ءار وقۋشى ءۇشىن ۇلكەن وقيعا سەكىلدى.ولار جول قوزعالىسى ەرەجەسىن ءبىلىپ عانا قويمايدى, وتريادتارعا ءبولىنىپ, قادامداپ ءجۇرۋدى, تارتىپكە باعىنۋدى دا ۇيرەنەدى» دەيدى ەلەنا ماگاسۋموۆا.
سلەتتە تاۋەلسىز قازىلار القاسى بايقاۋدىڭ قورىتىندىسىن شىعاردى. وندا №21 مەكتەپتىڭ وتريادى ءى, فيزيكا-ماتەماتيكالىق ليتسەي وتريادى پ, №3 مەكتەپ-گيمنازياسىنىڭ جاس ينسپەكتورلارى ءۇشىنشى ورىندى الدى.
ءنازيرا جارىمبەت,
«ەگەمەن قازاقستان»
قوستاناي
