كورمە سورەسىنە قويىلعان سۋرەتتەر ءبىر عانا تسزيانسۋ پروۆينتسياسىنىڭ وندىرىستىك قۋاتى جانە ەكونوميكالىق الەۋەتىنە, سونداي-اق ايماقتىڭ تابيعي گەوگرافيالىق لاندشافتى ەرەكشەلىگىنە ارنالعان ەكەن. اتالمىش پروۆينتسيا قىتاي ەلىنىڭ شىعىسى, ياعني تەڭىزدىڭ جىلى لەبى شايىپ جاتقان كورىكتى ولكە. ءوندىرىسى دە دامىعان. ايماقتىڭ ىشكى جالپى ءونىمى جان باسىنا شاققاندا ەلدەگى ەڭ جوعارى كورسەتكىشكە يە. تۇرعىندار سانى 80 ملن. وتكەن جىلعى ەكسپو كورمەسى اياسىندا قىتاي پاۆيلونىندا تسزيانسۋ پروۆينتسياسىنىڭ ارنايى اپتالىعى ءوتتى. پروۆينتسيا ەكونوميكاسى – ء «بىر بەلدەۋ – ءبىر جول» ستراتەگياسى مەن ەلىمىزدەگى «نۇرلى جول» مەملەكەتتىك باعدارلاماسىنىڭ باستى ينۆەستورى.
كورمەنىڭ ساياسي ماڭىزى جايلى كوپشىلىكتى حاباردار ەتكەن ۇلتتىق مۋزەي ديرەكتورىنىڭ ورىنباسارى اباي ساتىبالدين, ەكى ەل اراسىندا مادەني-گۋمانيتارلىق سالا بويىنشا ىنتىماقتاستىق قاتىناستار دامىپ كەلە جاتقانىنا توقتالسا, ءوز كەزەگىندە ءسوز العان قحر قازاقستانداعى توتەنشە جانە وكىلەتتى ەلشىسى چجان حانحۋەي مىرزا ءوز ەلىندە جەتەكشى ءوڭىر ساناتىنان ورىن الىپ وتىرعان تسزيانسۋ ولكەسىنىڭ بۇگىنگى دامۋى جالپى قىتاي ەكونوميكاسىنىڭ ءبىر كورسەتكىشى ەكەنىنە توقتالىپ, اتالمىش كورمەنىڭ مىندەتى – ەكى ەل دوستىعىن بەكەمدەي تۇسۋگە باعىتتالعانىن ايتتى.
بەكەن قايرات ۇلى
سۋرەتتى تۇسىرگەن ورىنباي بالمۇرات,
«ەگەمەن قازاقستان»
