قىزىلوردا قالاسىنداعى №267 مەكتەپتىڭ 6 سىنىپ وقۋشىسىنىڭ تالانتى ەرتەرەك تانىلعان. جەتى جاسىنان باستاپ ويلى سۋرەتتەرىمەن تاڭعالدىرعان جەتكىنشەك ولەڭ, ەرتەگى جانە اڭگىمە جازا باستاعان ەكەن.
التىنايدىڭ جۇرەك ءلۇپىلى تانىلىپ تۇراتىن شىعارمالارى رەسپۋبليكالىق باسىلىم بەتتەرىندە جارىق كورە باستاعاننان وعان وقىرماندار ەرەكشە نازار اۋدارعان ەدى.
قارشاداي قىزدىڭ ادەبيەتكە تالپىنىسى مەملەكەت باسشىسىن دا تەبىرەنتىپ, 2014 جىلى «قازاقستان جولى» كىتابى سىيعا تارتىلدى. 2016 جىلى ەلباسى التىنايعا شىعارماشىلىق تابىس تىلەپ, العىس حاتىن جىبەردى. ءوزىنىڭ ىزگى تىلەگى جازىلعان, قولتاڭباسى قويىلعان «ەۋرازيا جۇرەگىندە» كىتابىن سىيعا تارتتى.
بالالارعا بالالاردىڭ تىلىمەن جازۋ كەرەك. جاس بولسا دا ءوز تۇستاستارىنا ارناپ جازىپ جۇرگەن التىنايدىڭ بۇل تۇرعىدا ءجونى بولەك. ايتقانداي, ون جاسار جازۋشىنىڭ «ەرتەگىلەر» توپتاماسى ۇلت رۋحانياتىنىڭ جاناشىرى, وبلىس اكىمى قىرىمبەك كوشەرباەۆتىڭ قولداۋىمەن جارىق كوردى.
باقتيار تايجان,
«ەگەمەن قازاقستان»
قىزىلوردا وبلىسى
