قازاقستان رەسپۋبليكاسى ۇكىمەتىنىڭ قاۋلىسى № 1215

قازاقستان رەسپۋبليكاسى ۇكىمەتىنىڭ 2011جىلعى 28 قازانداعى №1215 قاۋلىسىمەن بەكىتىلگەن ورتاق سۋ پايدالانۋدىڭ ۇلگىلىك قاعيدالارى 1. وسى ورتاق سۋ پايدالانۋدىڭ ۇلگىلىك قاعي­دا­لارى (بۇدان ءارى – قاعيدالار) قازاقستان رەس­پۋب­ليكاسىنىڭ 2003 جىلعى 9 شىلدەدەگى سۋ كو­دەك­سىنىڭ 36-بابىنىڭ 18) تارماقشاسىنا سايكەس ازىرلەندى. 2. مىناداي: 1) تەحنيكالىق قۇرالداردى قولدانباي جەر ءۇستى كوزدەرىنەن سۋ الۋ كەزىندە; 2) ىقتيمال سەل قاۋپى بار سۋ وبەكتىلەرىن قوسپاعاندا, رەكرەاتسيالىق ماقساتتاردا, جاپپاي دەمالۋ, تۋريزم جانە سپورت ماقساتتارىندا; 3) كەمە قاتىناسى جانە شاعىن كەمەلەردى پايدالانۋ ءۇشىن; 4) مال سۋارۋ ءۇشىن سۋ وبەكتىلەرىن پايدالانۋ ورتاق سۋ پايدالانۋعا جاتادى. ورتاق سۋ پايدالانۋ ورتاق سۋ پايدالا­نى­لاتىن سۋ وبەكتىلەرىندە دە, ورتاق پايدالا­نۋعا جاتپايتىن سۋ وبەكتىلەرىندە دە جۇزەگە اسى­رى­لادى جانە ارنايى رۇقسات بولۋىن تالاپ ەتپەيدى. 3. وسى قاعيدالار وبلىستاردىڭ (رەس­پۋب­لي­كا­لىق ماڭىزى بار قالانىڭ, استانانىڭ) جەرگىلىكتى وكىلدى ورگاندارىنىڭ وڭىرلىك جاعدايلاردىڭ ەرەك­شەلىكتەرىن ەسكەرە وتىرىپ ورتاق سۋ پايدالانۋ قاعيدالارىن بەلگىلەۋ ءتارتىبىن انىقتايدى ءارى مەنشىك نىسانىنا قاراماستان, بارلىق زاڭدى جانە جەكە تۇلعالاردىڭ ورىنداۋى ءۇشىن مىندەتتى. 4. وبلىستاردىڭ (رەسپۋبليكالىق ماڭىزى بار قالانىڭ, استانانىڭ) جەرگىلىكتى وكىلدى ورگاندارى ەكولوگيالىق, تەحنيكالىق جانە حالىقتىڭ سا­نيتاريالىق-ەپيدەميولوگيالىق قاۋىپسىزدىگى ماق­سا­تىندا وڭىرلىك جاعدايلاردىڭ ەرەكشە­لىك­تە­رىن ەسكەرە وتىرىپ, ورتاق سۋ پايدالانۋ قاعي­دالارىندا ءتيىستى ءوڭىردىڭ اۋماعىندا ورنالاسقان سۋ وبەكتىلەرىندە شومىلۋ, اۋىز سۋ جانە تۇر­مىستىق قاجەتتىلىكتەرگە سۋ الۋ, مال سۋارۋ, شاعىن كەمەلەردى پايدالانۋ جانە ولارمەن ءجۇزۋ جانە باسقا دا جۇزەتىن قۇرالدارمەن ءجۇزۋ تىيىم سالىنعان جەرلەردى ايقىندايدى. 5. وبلىستاردىڭ (رەسپۋبليكالىق ماڭىزى بار قالانىڭ, استانانىڭ) جەرگىلىكتى وكىلدى ورگاندارى سۋدا جۇزەتىن جابايى قۇستار مەن ءجۇنى باعالى اڭداردىڭ, بالىق رەسۋرستارى مەن باسقا دا سۋ جانۋار­لارىنىڭ مەكەندەيتىن جەرى بولىپ تانىل­عان سۋ وبەكتىلەرىندە ءۇيا سالۋ جانە ۋىلدىرىق شاشاتىن كەزەڭدە ورتاق سۋ پايدالانۋ قۇقىعىنا شەكتەۋ قويادى. 6. ەلدىڭ قورعانىسىن جانە مەملەكەتتىڭ قاۋىپ­سىزدىگىن قامتاماسىز ەتۋ, تۇرعىنداردىڭ دەنساۋ­لىعىن, قورشاعان تابيعي ورتانى جانە تاريحي-مادەني مۇرانى, قازاقستان رەسپۋبلي­كاسىنىڭ زاڭناماسىنا سايكەس باسقا تۇلعالاردىڭ قۇقىعى مەن زاڭدى مۇددەلەرىن قورعاۋ ماقساتىندا جەكە سۋ نىساندارىن نەمەسە ولاردىڭ بولىكتەرىن پايدالانۋ شەكتەلۋى, توقتاتىلۋى نەمەسە تىيىم سالىنۋى مۇمكىن. 7. ورتاق سۋ پايدالانۋدىڭ شارتتارىن نەمەسە وعان تىيىم سالىناتىنىن بەلگىلەۋ ءۇشىن وقشاۋ نەمەسە بىرلەسىپ سۋ پايدالانۋدى جۇزەگە اسىرا­تىن سۋ پايدالانۋشى وبلىستاردىڭ (رەسپۋبلي­كالىق ماڭىزى بار قالانىڭ, استانانىڭ) جەرگىلىكتى وكىلدى ورگاندارىنا ورتاق سۋ پايدالانۋدىڭ شارتتارىن نەمەسە وعان تىيىم سالىناتىنىن بەل­گىلەۋدىڭ قاجەتتىگى نەگىزدەلگەن ۇسىنىس ەنگىزەدى. 8. ورتاق سۋ پايدالانۋدىڭ شارتتارىن نەمەسە وعان تىيىم سالىناتىنىن بەلگىلەۋ نەگىزسىز بولعان جاعدايدا جەرگىلىكتى وكىلدى ورگاندار ۇسىنىلعان ورتاق سۋ پايدالانۋ شارتتارىنان نەمەسە تىيىم سالۋدان باس تارتۋ سەبەپتەرىن نەگىزدەي وتىرىپ سۋ پايدالانۋشىنى جازباشا حاباردار ەتەدى. 9. شومىلۋعا تىيىم سالۋ جانە ورتاق سۋ پايدالانۋدى جۇزەگە اسىرۋدىڭ باسقا شارتتارى تۋرالى حالىقتى وبلىستاردىڭ (رەسپۋبليكالىق ماڭىزى بار قالانىڭ, استانانىڭ) جەرگىلىكتى وكىلدى ورگاندارى بۇقارالىق اقپارات قۇرالدارى ارقىلى, ارنايى اقپاراتتىق بەلگىلەرمەن حاباردار ەتەدى. 10. بەكىتىلمەگەن سۋ وبەكتىلەرىندە وسى قاعيدالاردى بۇزعانى ءۇشىن ايىپپۇل مولشەرى تۋرالى ەسكەرتۋلەر بار تىيىم سالاتىن بەلگىلەر مەن پلاكاتتار ورناتۋدى جەرگىلىكتى اتقارۋشى ورگاندار (رەسپۋبليكالىق ماڭىزى بار قالانىڭ, استانانىڭ) قامتاماسىز ەتەدى. 11. سۋ وبەكتىلەرىن مال سۋارۋ ءۇشىن ورتاق سۋ پايدالانۋ تارتىبىمەن قولدانۋ اۋىز سۋمەن جاب­دىقتاۋ كوزدەرىن سانيتاريالىق قورعاۋ ايماق­تارىنان تىس جەردە جانە سۋ وبەكتىلەرىنىڭ لاستانۋىن جانە قوقىستانۋىن بولعىزبايتىن قۇرىلعىلار بولعان جاعدايدا جول بەرىلەدى. باسقا جاعدايلاردا جەرگىلىكتى اتقارۋشى ورگاندار (رەس­پۋبليكالىق ماڭىزى بار قالانىڭ, استانانىڭ) سۋات الاڭدارىن جايلاستىرۋ جونىندە ءىس-شارالار جۇرگىزەدى. 12. كەمە قاتىناسى قاۋىپسىزدىگى, ادامداردىڭ ءومىرى مەن دەنساۋلىعىن ساقتاۋ, جۇكتەردىڭ ساقتالۋى ماقساتىندا جۇزەگە اسىرىلاتىن كەمەلەر قوزعالىسىن شەكتەۋ نەمەسە ولارعا تىيىم سالۋ قازاقستان رەسپۋبليكاسىنىڭ «ىشكى سۋ كولىگى تۋرالى» 2004 جىلعى 6 شىلدەدەگى جانە «ساۋدا ماقساتىندا تەڭىزدە ءجۇزۋ تۋرالى» 2002 جىلعى 17 قاڭتارداعى زاڭدارىمەن رەگلامەنتتەلەدى.