«17 ءساۋىر كۇنى 16:45-تە «101» پۋلتىنە سىعاناق كوشەسى, 14/2 مەكەنجايىندا ءورت تۇتانعانى تۋرالى حابار كەلدى. ءورت سوندىرۋشىلەر عيماراتتىڭ 38-40 قاباتتارىندا تەنتتىڭ ورتەنگەنىن انىقتادى», - دەپ مالىمدەدى تجد وكىلدەرى.
الدىن الا مالىمەتتەر بويىنشا, جالىن 40 شارشى مەتردى شارپىعان. ونى ءورت سوندىرۋشىلەر بارعانشا قۇرىلىسشىلار ءسوندىرىپ ۇلگەرگەن. قازىر وقيعانىڭ ءمان-جايى تەكسەرىلىپ جاتىر. قۇرباندار مەن زارداپ شەككەندەر جوق.
ايتا كەتەيىك, وسى عيمارات بۇعان دەيىن دە بىرنەشە رەت ورتەنگەن. 2016 جىلعى 13 اقپاندا كەشەننىڭ 25-قاباتىنداعى اعاشتان جاسالعان قالىپتارى ورتەنگەن. 2016 جىلعى 4 ناۋرىزدا (مينۋس) ەكىنشى قاباتى ورتكە ورانعان. وسى وقيعادان سوڭ ءبىر اي وتپەستەن, 1 ساۋىردە ءدال سول مينۋس ەكىنشى قاباتتا تاعى دا ءورت تۇتاندى. ال 2017 جىلعى 14 قاراشادا قۇرىلىسشىلار جاتاقحاناسىنىڭ اس ءۇيى ءورت قۇشاعىندا قالعان.
