داريعا نازارباەۆا مەملەكەتتىك ورگاندار وكىلدەرىمەن اسكەري ءبىلىم ماسەلەلەرى جونىندەگى كەزدەسۋدى اشا كەلىپ, اسكەري ءبىلىم بەرۋ جۇيەسىن جەتىلدىرۋ شارالارى بەلگىلەنگەن قازاقستان رەسپۋبليكاسىنىڭ اسكەري دوكتريناسىنا نازار اۋداردى. سەناتور اسكەري مامانداردى دايارلاۋدىڭ قازىرگى تۇرلەرى مەن ادىستەرى وزگەرىسسىز قالا بەرۋى مۇمكىن ەمەستىگىنە توقتالىپ, ولار مەملەكەتتىڭ اسكەري ۇيىمدارىنىڭ تالاپتارى مەن مىندەتتەرىنە ساي كەلۋى, ءتىپتى ودان دا وزىق بولۋى ىقتيمال ەكەنىن ايتتى.
«اسكەري وقۋ ورىندارىنا قويىلاتىن باستى تالاپ – قارۋلى كۇشتەردى, باسقا دا اسكەرلەر مەن اسكەري قۇرالىمداردى بارلىق دەڭگەيدەگى جانە ءتۇرلى ماماندىقتار بويىنشا, ۇلتتىق اسكەردىڭ جاۋىنگەرلىك دايىندىعى جونىندەگى مىندەتتەردى ءتيىمدى شەشە الاتىن جوعارى بىلىكتى اسكەري قىزمەتكەرلەرمەن جاساقتاۋدى قامتاماسىز ەتۋ بولىپ قالا بەرەدى», - دەپ اتاپ ءوتتى كوميتەت توراعاسى.
سەناتورلار س.كيروۆ اتىنداعى, «زيكستو», پەتروپاۆل اۋىر ماشينا جاساۋ زاۋىتتارىنىڭ ءوندىرىس تسەحتارىندا بولدى. دەپۋتاتتار ودان باسقا ۇلتتىق ۇلاننىڭ اسكەري ينستيتۋتىنىڭ جۇمىسىمەن تانىستى.
حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەلەرى ەلىمىزدىڭ ۇقك شەكارا قىزمەتىندەگى مەملەكەتتىك شەكارانى كۇزەتۋ مىندەتىن اتقاراتىن №2032 اسكەري ءبولىمىنىڭ قىزمەتى جاعدايىمەن دە تانىستى.
شەكارا قىزمەتىنىڭ «سولتۇستىك» ايماقتىق باسقارماسى باستىعىنىڭ مىندەتىن ۋاقىتشا اتقارۋشى جانىبەك تولەباەۆ جاۋاپتى ايماقتاعى مەملەكەتتىك شەكارانى كۇزەتۋدە قالىپتاسقان جاعداي مەن ونى ۇيىمداستىرۋ ءتارتىبى, سونداي-اق اتقارىلعان جۇمىستار مەن وزەكتى ماسەلەلەر تۋرالى ەگجەي-تەگجەيلى باياندادى.
قىزمەتتىك-جاۋىنگەرلىك ءىس-قيمىل ناتيجەلەرى سولتۇستىك باعىتتاعى قۇقىق بۇزۋشىلىقتاردىڭ ازايىپ كەلە جاتقانىن كورسەتىپ وتىر.
№2032 اسكەري ءبولىمنىڭ كومانديرى پودپولكوۆنيك رۋسلان قوقامباەۆ دەپۋتاتتارعا قازىرگى كەزدەگى شەكارا مەكەمەسىندە مەملەكەتتىك شەكارانى كۇزەتۋدە قولدانىلاتىن قارۋلار مەن تەحنيكالىق قۇرالدار ۇلگىلەرىن كورسەتتى.
سەناتورلار مەملەكەتتىك شەكارانى كۇزەتۋ ايماقتىق باسقارماسىنىڭ بولىمشەسىندە – «قاراقوعا» شەكارا زاستاۆاسىندا جانە شەكارا باقىلاۋ بولىمىندە دە بولدى.
پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەلەرى قازاقستاندىق شەكاراشىلاردىڭ قىزمەتتىك-جاۋىنگەرلىك ءىس-قيمىلدارىنا جوعارى باعا بەردى.
