جيىنعا مەملەكەت جانە قوعام قايراتكەرلەرى, ورتالىق مەملەكەتتىك ورگانداردىڭ باسشىلارى, ارحيۆ قىزمەتكەرلەرى مەن جۋرناليستەر قاتىستى.
كورمەگە باقىتجان ەرتاەۆتىڭ ءومىر جولىن جانە ونىڭ تاۋەلسىز قازاقستاننىڭ قالىپتاسۋىنا, وركەندەۋىنە قوسقان ۇلەسىن كورسەتەتىن ارحيۆتىك قۇجاتتار مەن فوتوسۋرەتتەر, كىتاپتار قويىلدى. كورمەنىڭ تاقىرىبى – «ەرلىك داستانى – گەنەرال ەرتاەۆ».
اسكەري قىزمەتىن ۆزۆود كومانديرى بولىپ باستاپ, اسكەري كورپۋستىڭ قولباسشىسىنا دەيىن كوتەرىلگەن گەنەرال ەرتاەۆ تاۋەلسىز ەلىمىزدىڭ قورعانى بولاتىن ساربازدار دايارلاۋدا دا ايانباي ەڭبەك ەتكەن. اۋعانستانداعى اسكەري وپەراتسيالارعا قاتىسىپ, جاۋىنگەرلىك رۋحىن كورسەتتى.
«تاۋەلسىز ەلىمىزدىڭ بولاشاعى ءبىزدىڭ قاي-قايسىمىز ءۇشىن دە ماڭىزدى. بۇگىنگى شارا جاس ۇرپاقتى ەرلىككە باۋلۋ ءۇشىن ۇيىمداستىرىلىپ وتىر. قوعامىمىزدىڭ, مەملەكەتىمىزدىڭ قاۋىپسىزدىگى بۇگىنگى تاڭدا ءبىرىنشى ورىندا. ەلباسى ەل تىنىشتىعى ءۇشىن بارلىق جاعدايدى جاساعان. وسى شارانى ۇيىمداستىرۋشىلارعا راحمەت ايتامىن», دەدى باقىتجان ەرتاەۆ.
باعاشار تۇرسىنباي ۇلى,
«ەگەمەن قازاقستان»
