ءبىر عاجابى, ءجۇمادىلحان بۇل سالادا ارنايى ءبىلىم الماعان. بۇكىل سانالى عۇمىرىن عىلىمعا ارنادى. اتاپ ايتساق, قازاق اۋىلشارۋاشىلىق ينستيتۋتىنىڭ اگرونوميا فاكۋلتەتىن ۇزدىك بىتىرگەن ول ماماندىعى بويىنشا ءبىراز ۋاقىت جامبىل وبلىسىنىڭ جۋالى اۋدانىندا جۇمىس ىستەدى. قازىرگى كەزدە قازاق ۇلتتىق اگرارلىق ۋنيۆەرسيتەتىندە «ەكولوگيا» كافەدراسىنىڭ اعا وقىتۋشىسى. كەرىمبەك تۇركياداعى سەلجۋك ۋنيۆەرسيتەتىندە ءبىلىمىن جەتىلدىرىپ, جاراتىلىستانۋ عىلىمدارىنىڭ فيلوسوفيا دوكتورى (PhD) اتاندى.
– جاس ۇرپاققا اگرارلىق ءبىلىم بەرۋ باعىتىندا ۇستازدىق جولدى تاڭداپ, عىلىممەن اينالىسىپ جۇرگەن ءجۇمادىلحان سارىباي ۇلى – بويىنداعى سۋرەتشىلىك دارىنىمەن كوپشىلىكتى تاڭعالدىرىپ كەلە جاتقان قىلقالام شەبەرى. شىعارماشىلىق جۇمىستارى كاسىبي سۋرەتشىلەردىڭ تۋىندىلارىنان ەش كەم سوقپايتىن تابيعي تالانت يەسى ۋنيۆەرسيتەت قابىرعاسىنداعى جەكە كورمەسىنە وتىزدان استام تاڭداۋلى ەڭبەكتەرىن قويعان. سۋرەتشى تۋىندىلارىنىڭ تاقىرىبى ءار الۋان. اۆتوردىڭ «اۋىلدا», «تەرەزەدەگى تاڭ», «اكەمنىڭ پورترەتى», «بۇلاق باسىندا», «تىنىشتىق», «دالا» سىندى كارتينالارى زەر سالىپ قاراعان كەز كەلگەن ادامدى سۇيسىندىرمەي قويمايدى, – دەيدى اقىن المات ءيسادىل.
100-دەن استام كوركەمسۋرەت تۋىندىلارىنىڭ اۆتورى ءجۇمادىلحان كەرىمبەك بىرنەشە رەسپۋبليكالىق جانە قالالىق كورمەلەرگە قاتىستى. ونەر يەسىنىڭ بىرنەشە گرافيكالىق جۇمىستارى تۇركيا, بەلارۋس ەلدەرىندە تانىلىپ, مايلى بوياۋمەن سالىنعان سۋرەتتەرى ەلىمىزدەگى ونەرسۇيەر قاۋىم مەن جەكە كوللەكتسيونەرلەر تاراپىنان جوعارى باعالاندى.
عالىم سۇلەيمەن,
«ەگەمەن قازاقستان»
الماتى
