ادىلەتتىك سالتانات قۇردى

ەلىمىزدىڭ پارلامەنتى سەنا­تى­نىڭ دەپۋتاتتارى حالىق كوكەيىندە جۇرگەن ەلدىك مۇددەدەن شىعاتىن شىنايى تاريحي شەشىم قابىل­دا­دى. تۇڭعىش پرەزيدەنتىمىزگە زاڭ­دى نەگىزدە «التىن جۇلدىز» بەن «وتان» وردەنى قوسا تاپسىرى­لا­تىن «حالىق قاھارمانى» اتاعىن بەرۋ جونىندە «قازاقستان رەسپۋب­لي­كاسىنىڭ تۇڭعىش پرەزيدەنتى – ەلباسى تۋرالى» كونستيتۋتسيالىق زاڭعا جانە «قازاقستان رەسپۋب­ليكاسىنىڭ مەملەكەتتىك ناگرادا­لارى تۋرالى» زاڭعا تولىق­تى­رۋ­لار ەنگىزىلدى. «زامانىنا قاراي – ادامى» دەگەندەي, مىڭنان تۇلپار شىعىپ, حالقىنىڭ ابىرويىن اسقاقتاتىپ, ەگەمەن ەلىنىڭ ۇلى كوشىن باستاعان ءبىرتۋار پەرزەنت, تۇڭعىش پرەزيدەنتىمىز نۇرسۇلتان ءابىش ۇلى نا­زارباەۆتىڭ ەل تاۋەلسىزدىگىنىڭ 20 جىلدىعى ىشىندە اتقارعان ەڭبەگى عاسىرلار سالماعىمەن ولشەنەتىن ەرەن قۇبىلىس. ەلى مەن جەرى ءۇشىن, كەشەگى مەن بۇگىنگىسى ءۇشىن باسىن بايگەگە تىگىپ, نەبىر سىن ساعاتتا سىندارلى ەرلىك, ۇلاعاتتى ازا­ماتتىق تانىتقان زامانا دارا­بو­زى نۇرسۇلتان نازارباەۆتاي-اق بولار! بارىمىزگە بەلگىلى, بۇدان بۇرىن ەلباسىن وتانىمىزدىڭ ەڭ جو­عارى ناگرادالارىمەن ماراپاتتاۋ تۋرالى ەڭبەك ۇجىمدارىنان, قو­عامدىق ۇيىمداردان, حالىق وكىل­دەرىنەن كوپتەگەن وتىنىشتەر ءتۇس­كەن بولاتىن. ەلىمىزدە «ەڭبەك ەرى» اتاعى العاش بەكىتىلگەن كەزدە وسى ماراپاتتىڭ ءبىرىنشى ءنومىرىن دە ەلباسىعا بەرۋ جونىندە كوپ­تە­گەن ۇسىنىستار بولدى. بىراق تۇڭ­عىش پرەزيدەنتىمىز ءوز جارلى­عى­مەن ءوزىن ماراپاتتاۋدان باس تارت­تى. «راحمەت, ماعان ەشقانداي ماراپات كەرەك ەمەس. مەن ءۇشىن ەڭ ۇلكەن ناگرادا – حالىق سەنىمى», دەگەن بولاتىن ەلباسى. ەلىمىز ءوز تاريحىنداعى دامۋ بيىگىنىڭ شىڭىنا شىعىپ, تورتكۇل دۇنيەگە تانىلعان تاۋەلسىز­دىگى­مىز­دىڭ 20 جىلى ىشىندە مەملەكەت باسشىسى ءوز قولىمەن ەل ەگەمەندىگىنە ەرەن ەڭبەگىمەن ۇلەس قوسقان تالاي وتانداستارىمىزعا جوعارى ناگرادالار تاپسىردى. ال وسى ەل ەگەمەندىگىنە قوسقان ۇلەس تۇرعى­سىنان كەلەتىن بولساق, تۇڭعىش پرەزيدەنتىمىزدىڭ بۇل ورايداعى بالاماسىز ەڭبەگىنە ولشەم جەتپەيدى عوي. ەندەشە, شەجىرەلى دە تابىستى 20 جىل ىشىندە ەلبا­سى­نىڭ حالىق مۇددەسى, ۇرپاق بولا­شاعى, ەل بىرلىگى, تابىستى ەكونو­مي­كالىق دامۋ جولىنداعى جان­قيار­لىق ەڭبەگىن ەسكەرمەسەك, بۇل تاريح الدىنداعى, بولاشاق ۇرپاق الدىنداعى ادىلەتسىزدىك بولار ەدى. سوندىقتان زاڭ جوباسىنا ەنگىزىلگەن وزگەرىس سول ادىلەتسىزدىكتىڭ ال­دىن العان شىن مانىندەگى ادىلەتتى شەشىم. سەنات وتىرىسىندا مەنىڭ ءارىپ­تەسىم مۇحتار التىنباەۆ «وسى ۋاقىتقا دەيىن تۇڭعىش پرەزيدەنتىمىزدە جوق ماراپاتتى يەلەنىپ, مەنىڭ «حالىق قاھارمانى» بولىپ جۇرگەنىم وزىمە ىڭعايسىز كورى­نۋ­شى ەدى. ەندى ادىلەتتىلىك سالتانات قۇردى», دەگەن بولاتىن. مەن بۇل پىكىرگە تولىق قوسىلامىن. ءتىپتى ماسەلە مەملەكەتتىك ناگرادادا ەمەس, كونستيتۋتسيا بويىنشا ءبىز­دىڭ ەلىمىزدىڭ ءاربىر ادامى تەڭ قۇقىلى. سوندىقتان نار كوتەرمەس اۋىر جۇكتى كوتەرىپ, تاۋەلسىز ەلىن اسقار اسۋلارعا باستاپ كەلە جاتقان ەلباسىنىڭ قۇقى نەگە شەكتەلۋى كەرەك؟! مىنە, پارلامەنت سەنا­تى­نىڭ بۇگىنگى تاريحي شەشىمى ار­قىلى تاۋەلسىزدىك تويىنىڭ 20 جىل­دىعى قارساڭىندا ادىلەت شى­نى­مەن سالتانات قۇرىپ, ەل مەرەيى تاعى دا ەسەلەي ءوستى. حالقىمىزدىڭ ماڭدايىنا بىتكەن وسىنداي ءبىرتۋار تۇلعانىڭ قا­دىرىن ءتۇسىنىپ, ابىرويىن اسقاق­تا­تايىق. تۇڭعىش پرەزيدەنتىمىزدىڭ ەل بولاشاعى جولىنداعى ەرەن ەڭبەگى الداعى ۋاقىتتا دا تابىستى بولىپ, اسقارالى اسۋلاردى الا بەرەيىك, اعايىن! سۆەتلانا جالماعامبەتوۆا, پارلامەنت سەناتىنىڭ دەپۋتاتى.