تاۋەلسىزدىكتىڭ نەگىزىن قالاۋشى

– ءبىز, مىنە, جيىرما جىل بو­يىنا تۇراقتىلىق پەن بىرلىكتە ءومىر ءسۇرىپ كەلەمىز. جيىرما جىل بويى ەلىمىز ەرەكشە دامىپ كەلەدى. وسى جيىرما جىل ىشىندە قازاق­ستاندى دۇنيە ءجۇزى تانىپ, ءبىلدى, ەلباسىنىڭ سىندارلى ساياساتى ار­قىلى الەمگە تانىلدى. جيىرما جىل ىشىندە ادام ايتسا نانعىسىز وراسان زور ىستەر اتقارىلدى, ەلدىڭ بىرلىگى نىعايدى. جاڭا ساياساتتىڭ ارقاسىندا ادام مەن ازاماتتىڭ قۇقىقتارى مەن بوستاندىق­­تارى­­­نىڭ قورعالۋى جان-جاقتى قام­تاماسىز ەتىلدى. ەكونوميكامىز ايا­عىنان قاز تۇرىپ, قاي سالادا بول­ماسىن ورلەۋ, ءوسۋ, وركەندەۋ قانات جايدى. الىس, جاقىننان, سوناۋ شەتەلدەردەن كەلىپ جاتقان ادامدار ءبىزدىڭ ەلىمىزدەگى ايرىقشا جا­ڭا­لىقتار مەن جاھاندىق وزگە­­­رىس­تەردى بايقاپ, وركەنيەتتىڭ وزەگى ور­ناعان قازاقستانعا, وسىنىڭ ءبا­رىن جۇزەگە اسىرىپ جاتقان نۇر­سۇل­تان نازارباەۆتىڭ ەڭبەگى مەن ەرلىگىنە شىن مانىندە تاڭدانىس­تارىن بىلدىرەدى. ويتكەنى, ەلباسى ءبىزدىڭ ەلىمىزدىڭ تاۋەلسىزدىگىنىڭ نەگىزىن قالاۋشى بولىپ تابىلادى. دەمەك, وسىنىڭ ءبارى ءبىزدىڭ پرە­زيدەنتىمىزدىڭ ارقاسىندا جەتكەن جەتىستىكتەرىمىز ەكەندىگى داۋسىز. سوندىقتان دا حالقىمىز ءبىزدىڭ پرەزيدەنتتى اسا قۇرمەت تۇتىپ, ەرەكشە سەنىم ءبىلدىردى. ەندەشە, مەنىڭ ايتارىم, قازاقستان رەس­پۋب­ليكاسىنىڭ تۇڭعىش پرەزيدەنتى – ەلباسىنا ايرىقشا ەرەكشەلىك بەلگىسى – «التىن جۇلدىز» جانە «وتان» وردەنى تاپسىرىلا وتى­رىپ, «حالىق قاھارمانى» اتا­عىن بەرۋ تۋرالى ۇكمەتتىڭ ۇسى­نى­سىن ەڭ دۇرىس شەشىم دەپ تاۋ­ىپ, قولدايتىندىعىمدى بىلدىرەمىن. يۋري تسحاي, پارلامەنت سەناتىنىڭ دەپۋتاتى.