ءپىسىپ-جەتىلگەن پاراساتتى قادام

قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆ – ەلدىڭ بىرلىگىن, ازاماتتاردىڭ كونستيتۋ­تسيا­لىق قۇقىقتارى مەن بوستاندىق­تا­رىن قامتاماسىز ەتكەن اسا جاۋا­پ­تى تۇلعا. جاڭا تاۋەلسىز مەملە­كەت­تىڭ نەگىزىن قالاۋشى رەتىندە پرەزيدەنتتى الەم مويىندادى, الەمدىك ساياسي ارەنادا ەلباسىنىڭ قايرات­كەرلىگى مويىندالدى. ول قازاقستان حالقى تاراپىنان زور سەنىمگە يە. مەملەكەت باسشىسىنىڭ كەمەل ساراپتاۋىمەن جۇرگىزىلگەن سىرتقى جانە ىشكى ساياساتى ناتيجەسىندە قا­زاق ەلى ايتارلىقتاي ەكونومي­كالىق وسۋگە, حالىقتىڭ ءال-اۋ­قا­تىن ارتتىرۋعا قول جەتكىزدى. بۇكىل الەمدىك قوعامداستىقتا بيىك بەدەلگە يە بولدى. ءبىز, پارلامەنت سەناتىنىڭ دە­پۋتاتتارى قازاقستان رەسپۋبليكا­سىنىڭ 2000 جىلعى 30 شىلدەدەگى «قازاقستان رەسپۋبليكاسىنىڭ تۇڭ­عىش پرەزيدەنتى – ەلباسى تۋ­رالى» كونستيتۋتسيالىق زاڭنىڭ ءى-باپ, 3-تارماقشاسىنا: «قازاق­ستان رەسپۋبليكاسىنىڭ تۇڭعىش پرە­زيدەنتى – ەلباسى لاۋازىمى مەن مارتەبەسى بويىنشا ايرىق­شا ەرەكشەلىك بەلگىسى «التىن جۇل­دىز» جانە «وتان» وردەنى تاپسى­رى­لاتىن «حالىق قاھارما­نى» اتا­­عىنىڭ يەگەرى بولىپ تا­بىلا­دى» دەپ وزگەرىس ەنگىزدىك. سونداي-اق, «قازاقستان رەس­پۋب­ليكاسىنىڭ مەملەكەتتىك ناگ­را­دالارى تۋرالى» زاڭعا تولىق­تىرۋ ەنگىزدىك. مەملەكەت باسشى­سىنىڭ دانا جانە سىندارلى سايا­ساتىنىڭ ارقاسىندا قازاق ەلى الەمدىك قوعامداستىقتا جوعارعى بەدەلگە يە بولدى. وعان وتكەن جىل­عى قازاقستاننىڭ ەقىۇ-عا ءتور­اعالىق ەتكەنى جارقىن دالەل. قازاقستان مۇددەسىن ەڭ الدىڭعى ورىنعا شىعارا بىلگەن نۇرسۇلتان نازارباەۆ ەلىمىزدى اسا قىسقا مەرزىمدە ءارى بۇرالاڭى كوپ قيىن كەزەڭدە كۇللى الەمگە تانىتا ءبىلدى, توتەلەپ كەلگەن تالاي قي­ىن­شىلىقتان الىپ شىقتى. قازاق ەلى مەن ونىڭ كوشباس­شىسى نۇرسۇلتان نازارباەۆتىڭ الەم الدىنداعى ابىرويىنىڭ بيىكتىگى, بەدەلىنىڭ اسقاق, ءسوزىنىڭ وتىمدىلىگى مەن پىكىرىنىڭ پايىم­دى­لىعى سياقتى قاسيەتتەرىن دۇنيە ءجۇزى تۇگەل تانىپ, ادامزات وركە­نيەتىنىڭ الدىنداعى ورلىگىن موي­ىنداپ وتىر. وسى جىلدارى پرەزيدەنتپەن بىرگە ەڭبەك ەتۋ مەن ءۇشىن ءومىرىمنىڭ ەستە قالارلىق ەرەكشە ساباقتارىنا اينالدى. ءبىز بۇگىن ەلباسىنىڭ مارتە­بە­سىنە ارنالعان زاڭدارعا وزگەرىستەر ەنگىزە وتىرىپ, قازاقستان رەسپۋب­لي­كاسىنىڭ تۇڭعىش پرەزيدەنتىنە «حالىق قاھارمانى» اتاعىن بەرۋ تۋرالى شەشىم قابىلداۋ ارقىلى بارلىق قازاقستاندىقتاردىڭ ءوز مەملەكەتىنىڭ باسشىسىنا دەگەن تىلەگىن ورىندادىق. ءبىزدىڭ بۇل شەشىمىمىز تاريحي شەشىم دەپ ەسەپتەيمىن. نۇرلان سۇلەيمەنوۆ, پارلامەنت سەناتىنىڭ دەپۋتاتى.