جوعارى ماراپاتقا ابدەن لايىق

ۇكىمەتتىڭ تۇڭعىش پرەزيدەنتىمىزگە زاڭدى نەگىزدە «التىن جۇلدىز» بەن «وتان» وردەنى قوسا بەرىلەتىن «حالىق قاھارمانى» اتاعىن تاپسىرۋ بوي­ىن­شا «قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى» كونستيتۋتسيالىق زاڭعا ءجا­نە «قازاقستان رەسپۋبليكاسىنىڭ مەملەكەتتىك ناگ­رادالارى تۋرالى» زاڭعا تولىقتىرۋ ەنگىزۋ تۋرالى ۇسىنىسىن پارلامەنت سەناتىنىڭ دەپۋتاتتارى ءبىراۋىزدان قولداپ, تاريحي شەشىم قابىلدادى. ءبىزدىڭ وسىلايشا بارشا قازاقستاندىقتاردىڭ ەرىك-جىگەرىن بىلدىرە وتىرىپ, الەمدىك ساياسي ساحنادا دارا تۇلعاسىمەن, ايرىقشا قارىم-قابىلەتىمەن, زور اقىل-ويىمەن تانىلعان دارا تۇلعاعا جان-جاقتى قولداۋ كورسەتۋىمىز وتە ورىندى جانە سولاي بولۋى ءتيىستى ءجايت. جۇرتشىلىق تاۋەلسىز قازاقستاننىڭ تۇڭعىش پرەزيدەنتى – ۇلت كوشباسشىسىنا دەگەن شىنايى قۇرمەتىن اركەز كورسەتىپ كەلەدى. تالاي رەت جوعارى مەملەكەتتىك ماراپاتقا ۇسىندى دا. بۇل جولعى شەشىمنىڭ ءجونى بولەك. بۇل زاڭ ەلىمىزدىڭ تۇڭعىش پرەزيدەنتىنىڭ مارتەبەسىنە ابدەن لايىق قاراستىرىلعان دەر ەدىم. شىنىنا كەلگەندە, پرەزيدەنتىمىز كەز كەلگەن مەملەكەتتىك ماراپاتقا ابدەن لايىق. مۇنىڭ ءبارى – 20 جىلدىڭ ىشىندە زور ەكونوميكالىق-الەۋمەتتىك ورلەۋلەرگە جەتكىزىپ, تا­ريحتىڭ قيىن كەزەڭدەرىنەن ءدىن امان الىپ شىققان, بۇگىندە الەمدەگى وركەنيەتتى ەلدەرگە تەڭەستىرىپ وتىرعان مەملەكەت باسشىسىنا دەگەن شەكسىز قۇر­مەتىمىزدىڭ بەلگىسى. وسىناۋ تاريحتىڭ قاس-قاعىم ساتىندەي قىسقا ۋاقىتتا مەملەكەت قۇرىپ قانا قويماي, ىرگەتاسىن قالىپتاستىرۋ, بار قاجىر-قايراتىن, كۇش-جىگەرىن وتانىن گۇلدەندىرۋگە, ادامداردىڭ تۇرمىس ساپاسىن جاقسارتۋعا ارناۋ, وسى جولدا ۇلان-عايىر عالامات ىستەر اتقارۋ تەك ءبىزدىڭ ەلباسىنىڭ عانا قولىنان كەلسە كەرەك. سىرتقى ساياساتتا قازاقستاننىڭ بەيبىت ەل رەتىندە تانىلۋى, ەكونوميكالىق, الەۋمەتتىك سالالارداعى تابىستار – مۇنىڭ ءبارى ەلباسى ەسىمىمەن تىعىز بايلانىستى. ەل بىرلىگىن ساقتاپ, ادامداردىڭ كونستيتۋتسيالىق قۇقىقتارىن قورعاۋدا زور جۇمىستار اتقاردى. پرەزيدەنتىمىزگە دەگەن قازاقستاندىقتاردىڭ زور سەنىمى مەن قۇرمەتى ەشقاشان جوعالمايدى. وتان ال­دىندا سىڭىرگەن وراسان زور ەڭبەگىن ەش ۇمىت­پاي­دى. سەنات دەپۋتاتتارى وسىنداي ورتاق پىكىرگە كەلىپ, حالىق كوكەيىندەگى ويدى ءدوپ باستى. مۇحتار التىنباەۆ,  پارلامەنت سەناتىنىڭ دەپۋتاتى.