الەم الدىندا ءجۇزىمىز جارقىن

پرەزيدەنت تە – ادام! بىزدەگى ەت-جۇرەك پرەزيدەنتتە دە بار! سوندىقتان ول دا تولقيدى, ول دا تولعانادى! الايدا, ءبىزدىڭ جۇرەك تول­قۋى­مىز بەن تولعانىستارىمىزدىڭ ارا-جىگىن اجىراتا سويلەر بولساق, ەلباسىنىڭ جۇرەك تولقۋلارى مەن تولعانىستارى تۇتاسا بىتكەن قا­لىڭ ەلىنىڭ تۇتاسا بىتكەن تالايلى ءبىر تالاۋلى تاعدىرى بولاتىن! زامانا مەن ءداۋىردىڭ قيلى دا الاساپىراندى تار جول, تايعاق كە­شۋ­لەرىنىڭ اۋمالى دا توكپەلى كە­زەڭدەرىنەن تۋعان ەلىن امان الىپ ءوتۋ عانا تولعاندىرىپ كەلدى, ءالى دە سول جاي تولعاندىرادى ەلباسىن! قاي ءبىر قاتال دا قاھارلى تاجال عاسىرلاردىڭ تاۋقىمەتى مەن قاسىرەتىن دە, زاردابى مەن زالال-زاۋالىن دا كوپ تارتقان تۋعان حال­قىن جيىرما ءبىرىنشى عاسىردىڭ, مىنا ءبىز ءومىر ءسۇرىپ وتىرعان جاڭا ءداۋىردىڭ جاقسىلىقتارىنا ىلەستىرىپ جىبەرسەم دەگەن ارمان-ءمۇد­دەمەن تولقىپ, تولعانعان ەدى ەلباسى! ءبىز وسىدان جيىرما جىل بۇ­رىن تاۋەلسىز ەل بولعانىمىزدى اي­داي الەمگە باتىل جاريا­لا­عان­نان كەيىن, سول ايداي الەمگە باتىل ءۇن قاتىپ, باتىل قادامدار جا­سا­ۋىمىز دا كەرەك ەدى. سونى جاساي دا بىلدىك! جانە دە سونى جاساي بىلگەن دە ءبىر عانا ادام بولاتىن. ول – قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆ! سول باتىل ۇنىمەن, سول باتىل قادامىمەن جەر-جاھاننىڭ ورەك­پىگەن ساياساتكەرلەرىن دە, وركەنيەتى بار مەملەكەتتەرىن دە قازاق ەلىنە دە, وزىنە دە قاراتا ءبىلدى ەلباسى! ءبىزدىڭ ەلباسى دۇنيەدەگى بار­لىق مەملەكەتتەردىڭ باسشىلا­رى­مەن دە, ساياساتشىلارىمەن دە تەڭ سويلەسىپ, ءتىل تابىسىپ, قازاق­ستان­نىڭ مۇددەسىن بارىنەن دە جوعارى قويىپ, ەلىمىزدى اسا قىسقا كەزەڭدە الەمگە تانىتا ءبىلدى! قازاق ەلىنىڭ جانە ونىڭ كوش­باسشىسى نۇرسۇلتان ءابىش ۇلى نا­­زارباەۆتىڭ الەم الدىنداعى ابى­رويىنىڭ جوعارى, بەدەلىنىڭ اس­قاق, ءجۇزىنىڭ جارقىن, ءسوزىنىڭ ءوتىمدى, ويىنىڭ ۇتىمدى, پىكىرىنىڭ پايىمدى, ايتقانى كەلەتىن دە تۇ­راتىن قاسيەتىن الەم تۇگەل تانىپ, ءبىر عانا قازاق مەملەكەتىنىڭ ال­دىن­داعى ەمەس, ادامزات وركەنيەتى الدىنداعى ۇلى ەرلىگىن تانىپ تا, ءبىلىپ تە وتىر دەسە دە بولعانداي! ءبىز بۇگىن ەلباسى تۋرالى كونس­تيتۋتسيالىق زاڭعا وزگەرىستەر ەنگىزە وتىرىپ, قازاقستان رەسپۋب­لي­كا­سىنىڭ تۇڭعىش پرەزيدەنتى, ۇلت كوشباسشىسى نۇرسۇلتان ءاب­ىش­­ ۇلى نازارباەۆقا «حالىق قا­ھار­مانى» اتاعىن بەرۋ جونىندە شەشىم قابىلداۋ ارقىلى بارلىق قا­زاقستاندىقتاردىڭ ەرىك-جىگەرىن دە جانە قالىڭ ەلدىڭ تىلەگىن دە ور­ىنداپ وتىرمىز. ءسويتىپ, دۇنيە ءجۇزى الدىنداعى ءجۇزىمىز دە جار­قىراي تۇسكەندەي. ءبىزدىڭ بۇل شەشىمىمىز تاريحي شەشىم! جابال ەرعاليەۆ, پارلامەنت سەناتىنىڭ دەپۋتاتى.