ميسسيا باسشىسى, تمد اتقارۋشى كوميسسياسىنىڭ توراعاسى سەرگەي لەبەدەۆ 11 ساۋىردە بولعان كەزەكتەن تىس پرەزيدەنتتىك سايلاۋ باسەكەلەستىك نەگىزىندە, ەركىن, اشىق جانە ازەربايجاننىڭ كونستيتۋتسياسى مەن سايلاۋ كودەكسىنە ساي وتكەنىنە توقتالدى.
قازاقستان وسك توراعاسى ب.يماشەۆ تمد بايقاۋشىلار ميسسياسى قۇرامىندا 34 قازاقستاندىق بايقاۋشى ازەربايجاننىڭ 5 ايماعىندا جۇمىس اتقارعانىن اتاپ ءوتتى.
«ۇيىمداستىرۋدىڭ جانە سايلاۋدى وتكىزۋدىڭ جاقسى دەڭگەيىن, ايماقتىق سايلاۋ كوميسسياسى مۇشەلەرىنىڭ جوعارى بىلىكتىلىگىن جانە ولاردىڭ ءوز ەلىنىڭ سايلاۋ زاڭنامالارىن ءبىلۋىن, IT-تەحنولوگيالار مەن تەحنيكالىق قۇرالداردى قولدانۋىن, ونىڭ ىشىندە سايلاۋ ۋچاسكەلەرىندەگى ماركەرلەۋدى دە اتاپ وتكەن ءجون, – دەدى وسك توراعاسى.
سونداي-اق ب.يماشەۆ ازەربايجان سايلاۋ كوميسسيالارىنىڭ, ونىڭ ىشىندە تومەنگى دەڭگەيدەگى سايلاۋكومداردىڭ, مۇشەلەرىنىڭ كاسىبي دەڭگەيىن ارتتىرۋ تاجىريبەسى نازار اۋدارىپ, ارنايى زەردەلەۋگە لايىقتى ەكەنىن اتاپ ءوتتى.
«ەگەمەن-اقپارات»
