24 جاستاعى جانكۇيەر ەل استاناسى كايردە وتباسى جانە دوس-جاراندارىمەن قوشتاسىپ, جولعا شىقتى. ول بەس مىڭ شاقىرىم جولدى 65 كۇندە ءجۇرىپ ءوتۋدى جوسپارلاپ وتىر. نۋفال ساپارىن يوردانيادان باستاپ, بولگاريا, رۋمىنيا, مولداۆيا جانە ۋكراينا ارقىلى جالعاماق.
موحامەد نۋفال جولعا وزىمەن بىرگە ۆەلوسيپەدتىڭ قوسىمشا قۇرىلعىلارىن, قۋاتتاعىش, قوسىمشا ۇيالى تەلەفون جانە كەمپينگ جابدىقتارىن العان. سونىمەن قاتار ول كەيبىر ەلدىڭ جاتاقحاناسىندا تۇنەپ, بەيتانىس ادامداردىڭ ۇيىندە قونۋدى جوسپارلاپ وتىر. «ماعان ەڭ باستىسى – ساياحات ماڭىزدى بولىپ تۇر. ەگەر الەم چەمپيوناتىن تاماشالاعىم كەلسە ۇشاقپەن-اق بارۋعا بولاتىن ەدى», دەيدى نافال.
سەگىز سپورتشى قاشىپ كەتكەن
اۋستراليادا ءوتىپ جاتقان دۇنيەجۇزىلىك دوستاستىق ويىندارىندا كامەرۋن قۇراماسىنداعى 24 سپورتشىنىڭ سەگىزى ءىز-ءتۇزسىز كەتكەن. بالكىم, ولار ءوز ەلىنە قايتا ورالماس ءۇشىن قاشىپ كەتۋى دە مۇمكىن دەپ بولجانۋدا.
The Guardian باسىلىمىنىڭ اقپاراتىنا سەنسەك, ءۇش اتلەت 8 ءساۋىر كۇنى قاشىپ كەتكەن, كەلەسى كۇنى ولاردىڭ سوڭىنان ەكەۋى ىلەسسە, 10 ءساۋىر كۇنى قۇرامادا تاعى ءۇش سپورتشىنىڭ جوق ەكەندىگى انىقتالعان. قۇرامانىڭ ءباسپاسوز حاتشىسى سايمون مولومبەنىڭ ايتۋىنشا, قاشقىنداردىڭ ۆيزاسىنىڭ جارامدىلىق ۋاقىتى 15 مامىردا بىتەدى. سوندىقتان اتلەتتەردىڭ قايتىپ ورالۋىنان ءالى دە ءۇمىتتى.
«سپورتشىلار ءتۇن ىشىندە كەتىپ قالعان بولۋى مۇمكىن. سەبەبى تاڭەرتەڭ ولاردى بولمەسىنەن تابا المادىق. سپورتشىلاردىڭ بۇل ارەكەتى كامەرۋندى قولايسىز جاعدايعا قالدىرىپ وتىر», دەدى ول. قاشقىنداردىڭ تىزىمىندە ءۇش اۋىر اتلەت پەن بەس بوكسشى بار. ايتا كەتەيىك, 2012 جىلى لوندوندا وتكەن وليمپيا ويىندارىندا دا بەس كامەرۋندىق سپورتشى قاشىپ كەتكەن بولاتىن.
دايىنداعان
ءالي بيتورە,
«ەگەمەن قازاقستان»
