جۇكتەلگەن مىندەتتى جۇزەگە اسىرۋ ماقساتىندا عالىمدار لاتىن گرافيكاسىنىڭ قازاق تىلىنە لايىقتالعان نۇسقاسىن جاساۋعا كىرىسكەن ەدى. ناتيجەسىندە, پرەزيدەنتتىڭ ارنايى جارلىعى شىعىپ, 2025 جىلعا دەيىن كەزەڭ-كەزەڭىمەن كوشەتىن لاتىن گرافيكاسى تاڭدالىپ, جەتىلدىرىلگەن نۇسقا قابىلداندى. ەلباسىنىڭ لاتىن تاڭباسىنا كوشۋ تۋرالى باستاماسىن الدىمەن قولداعاندار قاتارىندا الماتى وبلىستىق تىلدەردى دامىتۋ باسقارماسى تۇر. باسقارما «رۋحاني جاڭعىرۋ» باعدارلاماسىنىڭ اياسىندا «جاڭا ءالىپبي – جاڭا ءداۋىر باستاۋى» اتتى جۇمىس توبىن قۇرىپ, ايماق تۇرعىندارى اراسىندا ءتۇسىندىرۋ جۇمىستارىن جۇرگىزگەن ەدى.
– شارا بارىسىندا جەتىسۋدىڭ جەتپىستەن استام ەلدى مەكەنىندە جۇرتشىلىقپەن جۇزدەسۋ ۇيىمداستىرىلدى. ەسەپتەسەك, جالپى 12 000 ادامنىڭ جاڭا ءالىپبي تۋرالى تولعاندىرعان ساۋالدارىنا جاۋاپ بەرىلىپتى. ياعني جاڭا ءالىپبيدى جەتىسۋلىق الەۋمەت جاپپاي قولدايدى دەپ سەنىممەن ايتا الامىن. وسىلايشا ەلباسى جۇكتەگەن مىندەتتىڭ بولاشاق ءۇشىن جاسالعان ماڭىزدى قادام ەكەنىن ەلگە جەتكىزىپ, ادامداردىڭ ريزاشىلىعىنا يە بولدىق, – دەيدى تىلدەردى دامىتۋ باسقارماسىنىڭ باسشىسى ايدار باشباەۆ.
باسقارمانىڭ «رۋحاني جاڭعىرۋ» باعدارلاماسى اياسىندا قولعا العان ىستەرى جالعىز بۇل ەمەس. اسىرەسە ءتىل ساياساتىن جۇزەگە اسىرۋدى ادەبيەت پەن ونەردى قولداۋ ارقىلى جۇزەگە اسىرۋ باعىتى كەڭ قولداۋعا يە بولدى. مىسالى, ادەبيەتتىڭ ءۇش بۋىن وكىلىنىڭ باسىن قوساتىن «ادەبيەت – رۋحانياتتىڭ دىڭگەگى» اتتى ادەبي شارا وتە قىزىقتى وتەدى. سول سياقتى باسقارمانىڭ ۇيىتقى بولۋىمەن جاريالانعان «ماڭگىلىك ەلدىڭ مۇراتى» اتتى اقىندار ءمۇشايراسى دا مارەگە جەتپەكشى. قازاقستان جازۋشىلار وداعىمەن بىرلەسكەن تاعى ءبىر رۋحاني شارا – جاس ادەبيەتشىلەردىڭ «جەتىسۋ كوكتەمى» اتتى فورۋمى دا قىر استىندا. وسى شارالاردىڭ بارلىعى دا ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسى جۇكتەگەن مىندەتتەردىڭ جەمىسى.
قالماحانبەت مۇقامەتقالي,
«ەگەمەن قازاقستان»
الماتى وبلىسى
