– عىلىم كۇنى ەلباسىمىزدىڭ 2011 جىلعى 20 قاراشاداعى №164 جارلىعىمەن بەلگىلەندى. وتاندىق عىلىم سالاسى مەملەكەت باسشىسى ن.ءا. نازارباەۆتىڭ ۇدايى نازارىندا ءارى جۇرگىزگەن سىندارلى ساياساتىندا ءاردايىم قولداۋ تاۋىپ كەلەدى, – دەدى ول. – مىسالى, 2011-2017 جىلدار ارالىعىندا عىلىمدى قارجىلاندىرۋ 37,1 پايىزعا, عالىمداردىڭ ەڭبەكاقىسى 58,1 پايىزعا ۇلعايدى. ءبىزدىڭ عىلىمنىڭ الەمدىك ارەناداعى سەرپىلىسى, بەدەلدى حالىقارالىق باسىلىمدارداعى قازاقستاندىق عالىمدار جاريالانىمدارى سانىنىڭ ءوسۋى XXI عاسىردىڭ ەكىنشى ونجىلدىعىنىڭ ايتۋلى جەتىستىگى بولدى. قازاقستاندىق عىلىمي ون باسىلىمنىڭ قازىرگى زامانداعى الەمدىك عىلىمنىڭ بەدەلدى حالىقارالىق عىلىمي-اقپاراتتىق جانە اناليتيكالىق رەسۋرستىق Web of Sciences تۇعىرناماسىنا ەنگىزىلگەن ەڭ ىقپالدى حالىقارالىق جۋرنالدار سانىنا قوسىلۋى وسى جەتىستىكتەر ناتيجەلەرىنىڭ ءبىرى بولدى.
مەملەكەت باسشىسى ستراتەگيالىق قۇجاتتاردا تەحنولوگيالىق يننوۆاتسيالىق دامۋدى ەلىمىزدى دامىتۋدىڭ شەشۋشى فاكتورى دەپ اتادى. سوندىقتان عىلىمنىڭ ينجەنەرلىك باعىتى مەن عىلىمي جەتىستىكتەردىڭ جۇزەگە اسىرىلۋى ءبىزدىڭ باستى نازارىمىزدا بولىپ وتىر. ۇلتتىق ينجەنەرلىك اكادەمياسىندا وسى كەزەڭ ىشىندە 1518 جوبا مەن باعدارلامالار, ونىڭ ىشىندە ماشينا جاساۋ, ەنەرگەتيكا, مۇناي-گاز جانە باسقا دا عىلىمي-ينجەنەرلىك سالالارىنداعى 32 يننوۆاتسيالىق جوبا ازىرلەندى.
وتىرىس جۇمىسىنا اسقار ق ۇلىباەۆ, تەمىرحان دوسمۇحامەدوۆ, راحمان الشانوۆ, نادير ناديروۆ, البەرت بولوتوۆ, اماندىق تولەشوۆ, گۇلبازار مەديەۆا جانە تاعى باسقا عالىمدار قاتىستى. وتىرىستا اكادەميانىڭ ۆيتسە-پرەزيدەنتتەرى تەمىرحان دوسمۇحامەدوۆ جانە راحمان الشانوۆ باسقا دا جەتەكشى عالىمدار, ينجەنەرلەر, كاسىپورىندار مەن جوعارى وقۋ ورىندارىنىڭ باسشىلارى ءسوز سويلەدى.
ولار جوعارى وقۋ ورىندارىنداعى يننوۆاتسيالىق پروتسەس پەن عىلىمدى دامىتۋدا جەتەكشى باعدارلاردىڭ ءبىرى بولىپ تابىلاتىن عىلىم مەن ءوندىرىستىڭ بايلانىسىن ورناتۋعا ەرەكشە نازار اۋداردى. ماسەلەن, «بايسەركە-اگرو» حولدينگى, جوعارى وقۋ ورىندارداعى عىلىم مەن يننوۆاتسيانى دامىتۋدىڭ تيىمدىلىگى الەمدىك تاجىريبەدە مويىندالىپ وتىرعانى, قازاقستاندىق عىلىمنىڭ بۇگىنگى جانە ەرتەڭگى كۇنىنىڭ باستى ماسەلەلەرى تۋرالى ايتىلدى.
اكادەميانىڭ الداعى مىندەتتەرىن ۇلتتىق ينجەنەرلىك اكادەمياسى تورالقاسىنىڭ باس عالىم-حاتشىسى گۇلبازار مەديەۆا حابارلادى. وندا سلوۆەنيادا ورنالاسقان اكادەميانىڭ قازاقستان-ەۋروپا ورتالىعى ارقىلى قازاقستانعا ەۋروپادان تەحنولوگيالاردى ترانسفەرتتەۋ تۋرالى, قىتاي ينجەنەرلىك اكادەمياسىمەن بىرلەسە وتىرىپ, جىبەك جولىن قايتا ورلەتۋ جوباسىن ىسكە اسىرۋ جونىندە ايتىلدى.
وتىرىستى قورىتىندىلاي كەلە, ۇلتتىق ينجەنەرلىك اكادەمياسىنىڭ پرەزيدەنتى ب.جۇماعۇلوۆ ەلىمىزدىڭ عىلىمي-ينجەنەرلىك قاۋىمداستىعىنىڭ الدىندا تۇرعان عىلىم ناتيجەلەرىن تۇبەگەيلى جاڭا دەڭگەيىنە كوشىرۋ, ونى وندىرىسپەن, بيزنەسپەن بىرىكتىرۋ, نارىقتىڭ پەرسپەكتيۆالىق تەحنولوگيالىق تالاپتارىن قاناعاتتاندىرۋ مىندەتتەرىن اتاپ ايتتى. بۇل قازاقستان پرەزيدەنتى ستراتەگيالىق باعىتىنىڭ مىندەتتەرىن ىسكە اسىرۋعا, سونىڭ ىشىندە الەمنىڭ 30 دامىعان مەملەكەتىنىڭ قاتارىنا كىرۋگە اكادەميالىق قوعامداستىقتىڭ قوساتىن ۇلەسى بولماق.
