زاماناۋي تسيفرلىق تەحنولوگيالارمەن جابدىقتالعان مۋزەيدەن كاسىپورىندا ءوندىرىلىپ جاتقان التىن, كۇمىس, مىس, مىرىش, قورعاسىن (جاساندى جانە تابيعي قالپىنداعى) قۇيمالارىن قولعا ۇستاپ كورىپ, ناعىز كەننەن جاسالعان تاقتا الاڭقايى الدىندا مەتاللۋرگ كاسكاسىن, كوستيۋمىن كيىپ ەستەلىك سۋرەتكە تۇسۋگە بولادى.
بىرنەشە اۋماققا بولىنگەن مۋزەي زالىنا كومپانيا كەنىشتەرىنەن الىنىپ جاتقان مينەرالدى شيكىزاتتار تۇرلەرى قاز-قاتار ءتىزىلىپ, كاسىپورىننىڭ وندىرىستىك الاڭدارى, اقمولا, قاراعاندى وبلىستارىنداعى مەتاللۋرگيالىق بولىمشەلەرىنىڭ پانورامالىق فوتوسۋرەتتەرى قويىلىپتى.
مۇندا اۆتوماتتاندىرىلعان زاماناۋي راديوگيد جۇيەسى دە بار, ول كەلۋشىلەرگە بىرنەشە تىلدەردى قاتار اۋدارىپ, جەتكىزىپ تۇرۋعا مۇمكىندىك بەرەدى. الداعى ۋاقىتتا مۋزەيدىڭ ينتەراكتيۆتى جۇيەسى دە جاسالماق. «وتكەن جىلى كومپانيا ءوزىنىڭ 20 جىلدىق مەرەيتويىن اتاپ ءوتتى.
مۋزەيدى جاڭارتىپ, ديزاينىن زاماناۋي ەتىپ, وزگەرتىپ, تسيفرلىق جاڭا تەحنولوگيالارمەن جابدىقتاۋ تۋرالى باستاما سول كەزدە ويىمىزعا كەلگەن ەدى. ناۋرىز مەرەكەسى قارساڭىندا جاڭا مۋزەيدىڭ جوباسىن تولىق جۇزەگە اسىرىپ بىتتىك», - دەيدى «قازتسينك» جشس-ءنىڭ اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ.
ازامات قاسىم,
«ەگەمەن قازاقستان»
وسكەمەن
