كورمە گاج تەحنولوگيالارى جانە اوك تسيفرلاندىرۋ, اكۆامادەنيەت, ۆەتەريناريا, اۋىلشارۋاشىلىق بيوتەحنولوگياسى, وسىمدىك شارۋاشىلىعى, اۋىل شارۋاشىلىعى تەحنيكاسى باعىتتارى بويىنشا وتكىزىلدى. سونداي-اق «ەلەكتروندىق مەديتسينالىق جازبالار», «قتق سۇرىپتاۋ جۇيەسى», «كومەك», «ۆكۋسنياشكا» الەۋمەتتىك جوبالارىنىڭ تۇساۋى كەسىلدى. كورمەگە قويىلىپ وتىرعان كەز كەلگەن جوبانى الىپ وندىرىسەك ەنگىزۋگە بولادى. سەبەبى ولار ءبىر ەمەس بىرنەشە جىل بويىنا عالىمداردىڭ باقىلاۋىمەن جۇيەلى تۇردە جۇزەگە اسىرىلعان جوبالار. كورمە ۇيىمداستىرۋ تۋرالى باستاما جاستاردىڭ وزدەرىنىڭ ۇسىنىسى .
كورمەگە ۇسىنىلعان جابالاردىڭ بارلىعى ساندىق ۇلگىدە, ساندىق جۇيەمەن جابدىقتالعان. اتاپ ايتقاندا ءبىلىم ورداسىنىڭ گەواقپاراتتىق تەحنولوگيالار ورتالىعى ازىرلەگەن ارنايى جوبا بۇگىنگى تاڭدا تولىقتاي جۇمىس جاساپ جاتىر. سەبەبى ءدال وسى ۇلگىدە جاساقتالعان باعدارلامالار نەگىزىندە ستۋدەنتتەر اقمولا وبلىسى بويىنشا ەگىستىك القاپتاردى تۇگەلدەي ساندىق ۇلگىگە وتكىزىپ جاتىر. كەلەسى كەزەكتە ساندىق جۇيەگە وتكەن ەگىس القاپتارىن عالامتور ارقىلى باقىلاپ وتىرۋعا تولىق مۇمكىندىك بار دەگەن ءسوز. جاس عالىمدار مەن ستۋدەنتتەر ءوز جوبالارى مەن تەحنولوگيالىق پلاتفورمالاردىڭ ونىمدەرىن, سونداي-اق جابىق سۋمەن جابدىقتاۋ قوندىرعىلارىندا بالىقتى ءوسىرۋ: قوندىرعىنى ورناتۋدان باستاپ العاشقى ءونىمدى الۋ جولى جايىندا تولىقتاي بايانداپ بەردى.
شارانىڭ كەلەسى ءبولىمى ءدال وسى تاقىتىپتاعى جاس عالىمدار فورۋمىمەن جالعاستى.ء ىس-شاراعا تاربيە جۇمىسى جونىندەگى دەپارتامەنت ديرەكتورى ءى.ي.كۋلنازاروۆ, قر ءدىن ىستەرى جانە ازاماتتىق قوعام مينيسترلىگىنىڭ جاستار ساياساتى دەپارتامەنتىنىڭ ديرەكتورى ا.ر.ورالوۆ, استانا قالاسىنىڭ قوعامدىق دامۋ ىستەرى باسقارماسىنىڭ جاستارمەن جۇمىس ءبولىمىنىڭ باسشىسى ب.ج.جۇنىسبەكوۆ, استانا قالالىق «جاس وتان» جاستار قاناتىنىڭ اتقارۋشى حاتشىسى ل.جۇماشەۆا جانە جاس عالىمدار, ەلوردالىق جوعارى وقۋ ورىندارىنىڭ وقىتۋشىلارى مەن ستۋدەنتتەرى قاتىستى.
تاربيە جۇمىسى جونىندەگى دەپارتامەنت ديرەكتورى ءى.ي.كۋلنازاروۆ ءوز سوزىندە ەلباسى جولداۋىندا ايتىلعان اوك-ءىن دامىتۋدا جاڭا تەحنولوگيالاردى قولدانۋ جانە تابىستى تسيفرلاندىرۋ ءۇشىن كەشەندى اقپاراتتىق-تەحنولوگيالىق پلاتفورمالاردى قۇرۋ قاجەتتىلىگىن اتاپ ءوتتى. سونىمەن بىرگە, ءبىلىم ورداسىنىڭ ءدال وسى باعىتتا جۇمىس جاساي باستاعاندىعىنا توقتالدى.
ۋنيۆەرسيتەت اۋماعىندا ەت, ءسۇت, استىق جانە مايلى داقىلداردى, سونداي-اق جىلىجايلاردى, روبوتوتەحنيكالىق زەرتحانالاردى جانە گاج تەحنولوگيالارىن وڭدەۋگە ارنالعان زاماناۋي جابدىقتارمەن جابدىقتالعان ءتورت تەحنولوگيالىق الاڭ ىسكە قوسىلعان. ولاردىڭ بارلىعى شەتەلدىك سەرىكتەستەردىڭ ۇسىنىسى بويىنشا شەتەلدىك ۋنيۆەرسيتەتتەردىڭ وقۋ بازاسى نەگىزىندە قۇرىلدى. زەرتحانالار تەك ستۋدەنتتەرمەن پراكتيكالىق ساباقتار وتكىزۋگە عانا ەمەس, سونداي-اق عالىمداردىڭ عىلىمي جۇمىستارىن جەتىلدىرۋگە ارنالعان.
شارا بارىسىندا جاس عالىمدار قازاق, ورىس جانە اعىلشىن تىلدەرىندە باياندامالار جاسادى. دۋلات يبراەۆ PhD دوكتورى, اسسيستەنت جاستاردىڭ اۋىلشارۋاشىلىعى سالاسىنداعى عىلىمي جەتىستىكتەرگە جەتۋ مۇمكىندىكتەرى جايلى ايتىپ بەردى. «كاداستر» انارا سماگۋلوۆا تسيفرلاندىرۋدىڭ ينفراقۇرىلىمدىق ءتاسىلى تۋرالى اڭگىمەلەدى. سونداي-اق اقىلدى تەحنولوگيالار كەڭىنەن قولدانىلۋى, G2G, G2B, G2C جانە B2B قىزمەتتەرىنىڭ بارلىق دەڭگەيلەرىندەگى ەكونوميكالىق تيىمدىلىگى تسيفرلاندىرۋ شارالارىنىڭ زاماناۋي تالاپتارىنا تولىعىمەن سايكەس كەلەتىنىن اتاپ ءوتتى.
ايدار اليمباەۆ رەت كافەدراسىنىڭ ماگيسترى, اسسيستەنت جىلىجاي ميكروكليماتىنىڭ باسقارۋ جۇيەسى تۋرالى باياندادى. فورۋم سوڭىندا ەلوردانىڭ 20 جىلدىعىنا وراي «استانا – جاڭا باستامالار سەرپىنى» رەسپۋبليكالىق جوعارى وقۋ ورىندارى جاس عالىمدار فورۋمىنىڭ قارارى قابىلداندى. قارار ەلىن سۇيەتىن, ونىڭ تاريحىن دارىپتەيتىن تاۋەلسىز ەلىمىزدىڭ پاتريوت جاستارىن مەملەكەتىمىزدىڭ بەرىك تۇتقاسى بولۋعا شاقىرادى.
