قانداستار دا قامدانىپ جاتىر ەكەن

قازاق ەلىنىڭ ۇلى مەرەكەسى, تاۋەلسىزدىگىمىزدىڭ 20 جىلدى­عىنا ءوز وتانىمىزدىڭ حالقى عانا ەمەس, وزگە جۇرتتارداعى اعا­يىن­دار دا «ءبىز دە ءوز ۇلە­سىمىزدى قوسايىق» دەپ ازىرلەنىپ جاتىر ەكەن. بۇعان جاقىندا قىتاي حالىق رەسپۋبليكا­سى­نىڭ شۇار وڭىرىنە ىسساپارمەن بارعاندا كوز جەتكىزدىك. ءاسى­رەسە, ىرگەلى مەملەكەتتىڭ قازاق اۆتونوميالى وبلىسىن مەكەن ەتىپ جاتقان ءبىر تىلەك, ءبىر نيەتتەگى ازاماتتار استانا مەن الماتىدا ۇلكەن مادەني شارالار وتكىزۋگە دايىندالىپ جات­قانىنا كۋا بولدىق. «بۇل ءبىزدىڭ قازاق ەلىنىڭ 20 جىلدىعىنا تارتار تارتۋىمىز», دەدى ولار. ىلە قازاق اۆتونوميالى وب­لى­سىنىڭ ءان-بي ۇيىرمەسى بار­لىق اۋدانداردان جۇزدەن ءجۇي­رىكتەردى جيناپ, ۇلت رۋحانيا­تى­نىڭ وزىق دۇنيەلەرىن تاۋەلسىز ەلدىڭ مەرەكەسىنە سىي ەتۋدى ماقسات ەتىپتى. ۇيىرمە باسشىسى نۇرلان كەنجەعالي ۇلى ۇزىن سانى 30-دان اسا ادام ەگەمەن ەلدىڭ ەل-جۇرتىن ءان مەن كۇيگە, مىڭ بۇرالعان بيگە كەنەلتسەك دەپ جاتقانىن ايتىپ, ءبىر كەزدەرى ۇشقان قۇستان باسقا اياق باسپاعان قازاق ەلىمەن قازىر قارىم-قاتىناستىڭ جاقسارعا­نىن, باۋىرلاستىقتىڭ بيىك دەڭ­گەيگە كوتەرىلگەنىن, بۇل تۇر­عىدان كەلگەندە قازاقستان پرەزيدەنتى نۇرسۇلتان نازارباەۆ پەن قىتاي مەملەكەتىنىڭ باس­شى­سى حۋ تسزينتاو اراسىنداعى مىزعىماس دوستىقتىڭ ارقا­سىندا بارىس-كەلىس پەن الىس-بەرىستىڭ شىنايى ۇلگىسى قالىپ­تاسقانىن تىلگە تيەك ەتىپ, حال­قىمىزدىڭ كورشىمەن تاتۋلىعى تۋرالى ۇلى قاعيداسىن العا تارتتى. ال ۇيىرمەنىڭ باس رەجيسسەرى تولقىن سۇلتانبەك ۇلى مەن بي جەتەكشىسى گۇلايدا قادىرقىزى قازاقستاننىڭ ءتا­ۋەل­سىزدىگىن العان 20 جىل ىشىندە قاسيەتتى توپىراعىنا جەتى رەت تاباندارى تيگەنىن, بۇل وزدە­رىنە ۇلكەن شابىت سىيلاعانىن جەتكىزىپ, وسى جولعى ساپارلا­رىندا نۇرسۇلتان نازارباەۆ­تىڭ سوزىنە جازىلعان التىنبەك قورازباەۆتىڭ «ءۇش قوڭىر» ءانىن بيمەن ورنەكتەپ, حورمەن كوركەمدەپ, جەكە داۋىستا اسقاق­تاتىپ, ۇلكەن كورىنىستە ايتا­تىن­دارىن العا تارتتى. سول سەكىلدى ەلۋدەن اسا ۇلت مەكەندەيتىن ءوڭىردىڭ ازاماتتارى بار ءوز ونەرلەرىمەن كورەرمەننىڭ كوز­ايىمىنا اينالساق دەگەن نيەتتەرىن ءبىلدىرىپ جاتتى. كەيبىر تويعا دايىنداعان ونەر تۋىن­دىلارىمەن تانىستىردى. ءسوي­تىپ, ە.نۇرزادا ۇلى ءوزىنىڭ «اكە», س.قۇدايبەرگەنقىزى حالىق ءانى «ۋگاي», ۋ حايشيا الەمگە تا­نىمال قىتايدىڭ حالىق ءانى «جاسمين گ ۇلى» اندەرىن تامىل­جىتا ورىندادى. سونداي-اق ءبۇ­گىندە جۇرتتىڭ ەرەكشە ءىلتيپا­تىنا يە بولىپ وتىرعان «قارا جورعا» ءبيىن مىڭ قۇبىلتتى. مۇنداي ءورىسى كەڭ, ورەلى دۇنيە­لەر تاۋەلسىزدىگىمىزگە تارتار تارتۋ ەكەنى انىق. سۇلەيمەن مامەت.