قازىرگى ۋاقىتتا اتالعان ىشكى باعدارلامالار اياسىندا وبلىستا 57 جوبا جۇزەگە اسىرىلۋدا. بۇل رەتتە «تاربيە جانە ءبىلىم» ىشكى باعدارلاماسى شەڭبەرىندە جۇزەگە اسىرىلىپ جاتقان ء«ۇش تىلدە ءبىلىم بەرۋ» جوباسىن ەرەكشە اتاپ وتۋگە بولادى. وتكەن جىلى ايماقتىڭ 2430 مۇعالىمى تىلدىك كۋرستاردى ءتامامدادى. اعىلشىن ءتىلى ءپانىنىڭ بارلىق مۇعالىمدەرى ەمتيحان تاپسىردى. قازىرگى ۋاقىتتا 23 مۇعالىم 14 قاناتقاقتى مەكتەپتە 8-سىنىپ وقۋشىلارىنا جاراتىلىستانۋ پاندەرىن اعىلشىن تىلىندە جۇرگىزۋدە. بيىل تاعى دا 1300 مۇعالىمدى وقىتۋ جوسپارلانعان.
«رۋحاني ءبىلىم بەرۋ» جوباسى اياسىندا بىلتىر وبلىستىق ءبىلىم باسقارماسى مەن ءدىن ىستەرى جونىندەگى باسقارماسىنىڭ بىرلەسۋىمەن اقپاراتتىق-ناسيحاتتىق توپ مۇشەلەرى, ۇزىن سانى 162 ادام 3 ايلىق كۋرستان وتكىزىلگەن. «بىلىكتى مامان» جوباسى شەڭبەرىندە وڭىردەگى جوعارى وقۋ ورىندارىنىڭ باسەكەگە قابىلەتتىلىگىن ارتتىرۋعا, عىلىمي-تەحنيكالىق جانە زەرتتەۋ بازالارىن جاقسارتۋعا, وبلىستاعى مەكتەپ بىتىرۋشىلەردىڭ باسقا ەلگە كەتۋىن ازايتۋعا ايرىقشا كوڭىل بولىنۋدە. وسى ماقساتتا 2017 جىلى وبلىستىق بيۋدجەتتەن 200 گرانت بولىنسە, 2018 جىلى 400 گرانت قاراستىرىلىپ وتىر. وسىنىڭ ناتيجەسىندە شەتەلگە, ونىڭ ىشىندە رەسەيگە كەتەتىن تۇلەكتەر سانى ءبىرشاما ازايعان (2016 جىلى – 1800, 2017 جىلى – 890, 2018 جىلى – 612).
«رۋحاني قازىنا» ىشكى باعدارلاماسى بويىنشا وبلىستا 16 جوبا جۇزەگە اسىرىلۋدا.
ازامات قاسىم,
«ەگەمەن قازاقستان»
شىعىس قازاقستان وبلىسى
