قازاقستان رەسپۋبليكاسى ورتالىق سايلاۋ كوميسسياسىنىڭ قاۋلىسى №62/108

استانا قالاسى,  2011 جىلعى 21 قاراشا قازاقستان رەسپۋبليكاسىنىڭ پرەزيدەنتتىگىنە, پارلامەنتى مەن ءماسليحاتتارىنىڭ دەپۋتاتتىعىنا كانديداتتاردىڭ, پارتيالىق تىزىمدەرىن ۇسىنعان ساياسي پارتيالاردىڭ سەنىم بىلدىرىلگەن ادامدارىن تىركەۋ جونىندەگى نۇسقاۋلىقتى بەكىتۋ تۋرالى «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 12 جانە 31-باپتارىنا سايكەس قازاقستان رەسپۋبليكاسى ورتالىق سايلاۋ كوميسسياسى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسىنىڭ پرەزيدەنتتىگىنە, پارلامەنتى مەن ءماسليحاتتارىنىڭ دەپۋتاتتىعىنا كانديداتتاردىڭ, پارتيالىق تىزىمدەرىن ۇسىنعان ساياسي پارتيالاردىڭ سەنىم بىلدىرىلگەن ادامدارىن تىركەۋ جونىندەگى نۇسقاۋلىق بەكىتىلسىن. 2. وسى نۇسقاۋلىق وبلىستىق, استانا جانە الماتى قالالىق سايلاۋ كوميسسيالارىنا جىبەرىلسىن. 3. وسى قاۋلى رەسمي جاريالانعان كۇنىنەن باستاپ قولدانىسقا ەنگىزىلەدى.   قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى ق. تۇرعانقۇلوۆ, قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى ب. مەلدەشوۆ.   قازاقستان رەسپۋبليكاسى  ورتالىق سايلاۋ كوميسسياسىنىڭ  2011 جىلعى 21 قاراشاداعى № 62/108  قاۋلىسىمەن بەكىتىلگەن   قازاقستان رەسپۋبليكاسىنىڭ پرەزيدەنتتىگىنە, پارلامەنتى مەن ءماسليحاتتارىنىڭ دەپۋتاتتىعىنا كانديداتتاردىڭ, پارتيالىق تىزىمدەرىن ۇسىنعان ساياسي پارتيالاردىڭ سەنىم بىلدىرىلگەن ادامدارىن تىركەۋ جونىندەگى نۇسقاۋلىق 1. وسى نۇسقاۋلىق قازاقستان رەس­پۋب­لي­كاسىنىڭ پرەزيدەنتتىگىنە, پارلامەنتى مەن ءماسليحاتتارىنىڭ دەپۋتاتتىعىنا كانديدات­تار­دىڭ (بۇدان ءارى – كانديداتتار), پارتيا­لىق تىزىمدەردى ۇسىنعان ساياسي پارتيالاردىڭ (بۇدان ءارى – ساياسي پارتيالار) سەنىم بىلدىرىلگەن ادامدارىن تىركەۋدى ناقتىلايدى. 2. كانديداتتار, ساياسي پارتيالار سەنiم بiلدiرiلگەن ادامدارىن وزدەرىنىڭ قالاۋلارى بويىنشا ءتيىستى سايلاۋ وكرۋگiندەگi ءار سايلاۋ ۋچاسكەسىنە ءۇش ادامنان اسپايتىن ساندا انىقتايدى جانە ولاردى تiركەۋ ءۇشiن تيiستi سايلاۋ كوميسسياسىنا حابارلايدى. قازاقستان حالقى اسسامبلەياسى سايلاي­تىن پارلامەنت ءماجىلىسىنىڭ دەپۋتاتتىعىنا كانديداتتاردىڭ ۇشتەن اسپايتىن سەنىم بىلدىرىلگەن ادامدارى بولادى. پارلامەنت سەناتىنىڭ دەپۋتاتتىعىنا كانديداتتىڭ ءاربiر اۋداندا, قالادا, قالادا­عى اۋداندا ءبىر-بىردەن سەنىم بiلدiرiلگەن ادامى بولادى. 3. كانديداتتار ولاردىڭ قازاقستان رەس­پۋبليكاسى كونستيتۋتسياسىنىڭ, «قازاقستان رەسپۋبليكاسىنداعى سايلاۋ تۋرالى» قازاق­ستان رەسپۋبليكاسىنىڭ 1995 جىلعى 28 قىر­كۇيەكتەگى كونستيتۋتسيالىق زاڭىنىڭ (بۇدان ءارى – كونستيتۋتسيالىق زاڭ), «قازاقستان رەس­پۋب­ليكاسىنداعى جەرگىلىكتى مەملەكەتتىك باس­قارۋ جانە ءوزىن-ءوزى باسقارۋ تۋرالى» قا­زاقستان رەسپۋبليكاسىنىڭ 2001 جىلعى 23 قاڭتارداعى زاڭىنىڭ تالاپتارىنا ءساي­كەس­تى­گىن ءتيىستى سايلاۋ كوميسسيالارى انىقتاعان­نان كەيىن وزدەرىنىڭ سەنiم بiلدiرiلگەن ادام­دارىن تىركەۋ تۋرالى وتىنىشپەن جۇگىنەدى. ساياسي پارتيالار ورتالىق سايلاۋ كو­ميسسياسىنا پارتيالىق تىزىمدەرىن ۇسىن­عان­نان كەيىن سەنىم بىلدىرىلگەن ادامدارىن تىركەۋ تۋرالى وتىنىشپەن جۇگىنەدى. 4. كانديداتتاردىڭ سەنىم بىلدىرىلگەن ادام­دارىن تىركەۋ تۋرالى ءوتىنىشتى قازاق­ستان رەسپۋبليكاسىنىڭ پرەزيدەنتتىگىنە, قازاقستان حالقى اسسامبلەياسى سايلايتىن پارلامەنت ءماجىلىسىنىڭ دەپۋتاتتىعىنا, پار­لامەنت سەناتىنىڭ جانە ءماسليحاتتارى­نىڭ دەپۋتاتتىعىنا كانديداتتاردىڭ وزدەرى نە نوتارياتتىق كۋالاندىرىلعان سەنىمحات­تىڭ نەگىزىندە وزگە ادامدار بەرىپ, قول قويادى. ساياسي پارتيالاردىڭ سەنىم بىلدىرىلگەن ادامدارىن تىركەۋ تۋرالى ءوتىنىشتى «ساياسي پارتيالار تۋرالى» قازاقستان رەسپۋبليكا­سىنىڭ 2002 جىلعى 15 شىلدەدەگى زاڭىنا جانە ساياسي پارتيانىڭ جارعىسىنا سايكەس ۋاكىلەتتى ادام بەرىپ, قول قويادى. 5. سەنىم بىلدىرىلگەن ادامدارىن تىركەۋ ءۇشىن كانديداتتار, ساياسي پارتيالار ءتيىستى سايلاۋ كوميسسياسىنا مىناداي قۇجاتتاردى تاپسىرادى: 1) سەنىم بىلدىرىلگەن ادامدارىن تىركەۋ تۋ­رالى قاعاز جانە ەلەكتروندىق تۇردەگى ءوتى­نىش. وتىنىشتە ازاماتتىعى, تەگى, اتى, اكە­سى­نىڭ اتى (بولعان كەزدە), اتقاراتىن لاۋازىمى, تۋعان كۇنى, ايى جانە جىلى كورسەتىلەدى; 2) ازاماتتىڭ كانديداتتىڭ, ساياسي پارتيانىڭ سەنىم بىلدىرىلگەن ادامى بولۋعا كەلىسەتىنى تۋرالى ءوتىنىشى. 6. اۋماقتىق سايلاۋ كوميسسيالارى پرەزيدەنتتىككە, پارلامەنت سەناتىنىڭ دەپۋ­تات­تىعىنا كانديداتتاردىڭ, سونداي-اق ساياسي پارتيالاردىڭ سەنىم بىلدىرىلگەن ادامدارىن تىركەۋدى جۇزەگە اسىرادى. وكرۋگتىك سايلاۋ كوميسسيالارى ءماسلي­حات­تاردىڭ دەپۋتاتتىعىنا كانديداتتاردىڭ سەنىم بىلدىرىلگەن ادامدارىن تىركەۋدى جۇزەگە اسىرادى. قازاقستان حالقى اسسامبلەياسى سايلاي­تىن پارلامەنت ءماجىلىسىنىڭ دەپۋتاتتىعىنا كانديداتتاردىڭ سەنىم بىلدىرىلگەن ادام­دا­رىن تىركەۋدى استانا نەمەسە الماتى قالاسى­نىڭ سايلاۋ كوميسسياسى جۇزەگە اسىرادى. 7. كانديداتتاردىڭ, ساياسي پارتيالاردىڭ سەنىم بىلدىرىلگەن ادامدارىن تىركەۋ نە تىركەۋدەن باس تارتۋ تۋرالى شەشىمدى ءتيىستى سايلاۋ كوميسسياسى ەكىكۇندىك مەرزىمدە قا­بىل­دايدى. سەنىم بىلدىرىلگەن ادامداردى تىركەۋ نە تىركەۋدەن باس تارتۋ ءتيىستى سايلاۋ كوميس­سياسىنىڭ حاتتاماسىمەن رەسىمدەلەدى. ءتيىستى سايلاۋ كوميسسياسى سەنىم بىلدىرىلگەن ادامداردى تىركەگەننەن كەيىن ولارعا ورتالىق سايلاۋ كوميسسياسى بەلگىلەگەن نىسان بويىنشا كۋالىكتەر بەرەدى. 8. ءتيىستى سايلاۋ كوميسسياسى كانديدات­تىڭ, ساياسي پارتيانىڭ سەنىم بىلدىرىلگەن ادامىن تىركەۋدەن مىناداي جاعدايلاردا, ەگەر ول: 1) قازاقستان رەسپۋبليكاسىنىڭ ازاماتى بولىپ تابىلماسا; 2) كونستيتۋتسيالىق زاڭعا سايكەس سايلاۋ كوميسسياسىنىڭ مۇشەسى بولىپ تابىلسا; 3) «مەملەكەتتىك ساياسي قىزمەتشىلەر لاۋازىمدارىنىڭ ءتىزىلىمى مەن مەملەكەتتىك ساياسي قىزمەتشىلەرگە تارتىپتىك جازا قولدانۋ ەرەجەسىن بەكىتۋ تۋرالى» قازاقستان رەس­پۋبليكاسى پرەزيدەنتىنىڭ 1999 جىلعى 29 جەلتوقسانداعى № 317 جارلىعىنا سايكەس مەملەكەتتىك ساياسي قىزمەتشى لاۋازىمىن اتقارسا, باس تارتادى. پارلامەنت سەناتىنىڭ دەپۋتاتتارىن سايلاۋدى وتكىزۋ كەزىندە, وسى تارماقتىڭ 1)-3) تارماقشالارىندا اتالعاندارعا قوسا, قا­زاق­ستان رەسپۋبليكاسى ءماسليحاتىنىڭ دە­پۋتاتى سەنىم بىلدىرىلگەن ادام بولىپ تىركەلە المايدى. 9. وسى نۇسقاۋلىقتىڭ 8-تارماعىنا سايكەستىك وسى نۇسقاۋلىقتىڭ 5-تارماعىنا سايكەس كانديدات, ساياسي پارتيا ۇسىنعان قۇجاتتاردىڭ نەگىزىندە انىقتالادى. 10. سەنىم بىلدiرiلگەن ادامدار سايلاۋ ناۋقانى اياقتالعاننان كەيiن, ءوز ۇيعارى­مى­مەن, كانديداتتىڭ جانە ساياسي پارتيانىڭ شەشiمiمەن, سونداي-اق كانديداتتى, پارتيالىق ءتiزىمدi تىركەۋدiڭ كۇشi جويىلعان, كونستيتۋتسيالىق زاڭ بۇزىلعان جاعدايلاردا ءوز مارتەبەسiنەن ايىرىلادى.