«تاياۋ ارادا اۋا رايىنىڭ وزگەرۋىنە بەلگىلەردى قايتادان جاڭارتۋ قاجەت», دەدى استانا اكىمى اسەت يسەكەشەۆ.
ول جول قۇرىلىسى مەن ساپاسىنا ارتىقشىلىق بەرىلۋى كەرەكتىگىن ايتا كەتتى.
ءوز كەزەگىندە استانا قالالىق جول-ترانسپورت ينفراقۇرىلىمىن دامىتۋ جانە ترانسپورت باسقارماسىنىڭ باسشىسى اسحات قاراعويشين كۇن جىلىسىمەن وكىلەتتى ورگاندار بەكىتكەن كەستەگە سايكەس جولداعى بەلگىلەردى قايتادان بوياپ شىعۋ جۇمىستارىن باستايتىنىن حابارلادى. جۇمىستى استانا قالالىق ءىىد اكىمشىلىك پوليتسياسى باسقارماسى بەكىتكەن. سوعان ساي جول بەلگىلەرىن جاڭارتىپ شىعۋ (جاڭبىر جوق, كۇن قۇرعاق كەزلەرى اۋا ىلعالدىعى 85%, اۋا تەمپەراتۋراسى + 10 °س جانە ت.ب. تومەن بولماۋى ءتيىس).
2017 جىلى استانادا جول جۇمىستارىنىڭ رەكوردى ورىندالعان بولاتىن. 169 كوشە سالىنىپ, جوندەۋدەن ءوتتى, ونىڭ 107-ءسى ءوندىرىس تۇرعىن الابىندا, يۋگو-ۆوستوك, كوكتال, يلينكا, كومسومولسكيدە جاسالدى. جالپى العاندا 114,5 كم اسفالت جول توسەلدى. ال كوشە-جول جەلىسىندەگى جۇكتەمەنى تومەندەتۋ ماقساتىندا قالادا 9 وڭعا قاراي بۇرىلاتىن قۇرىلعىسى بار 7 قيىلىس سالىندى.
سونىمەن قاتار, استانا قالالىق جول-ترانسپورت ينفراقۇرىلىمىن دامىتۋ جانە ترانسپورت باسقارماسىنىڭ الدىن الا مالىمەتىنشە, وسى جىلى 183 كوشە سالىنىپ, جوندەۋدەن وتەدى. ونىڭ ىشىندە قالاداعى 22 ماگيسترالدى كوشە, 133 كوشە تۇرعىن الاپتارىنا قاتىستى. بولىنگەن قاراجات شەڭبەرىندە 28 كوشەگە 28,4 كم جول جابىندىسىن توسەۋ جۇمىستارى جوسپارلانۋدا.
اسفالت جابىندىسىنىڭ كوپكە شىداۋى ءۇشىن جانە جوندەۋ اراسىنداعى مەرزىمدە زەرتحانالىق باقىلاۋ قىزمەتى دە جۇزەگە اسىرىلدى. ياعني جول-قۇرىلىس ماتەريالدارى مەن اسفالتبەتوننىڭ ساپاسى ەڭ الدىمەن زەرتحانادان وتەدى.
قالاداعى ماگيسترالداردا Rejuvaseal, «ميكروماستيكا» سۋعا توتەپ بەرەتىن قوسپا مەن اسفالتتىڭ ءوڭىن كەتىرمەي قورعاپ تۇراتىن جانە كەدىر-بۇدىر جولدىڭ جۇقا قاباتىن جاباتىن «ميكروسيۋرفەيسينگ» قوسپاسى ءوز كەزەگىندە اسفالت بەتون جابىندىسىنىڭ قىزمەتىن ۇزاق ۋاقىتقا ساقتاي الادى.
ايتا كەتەيىك, 2017 جىلدان بەرى «استانا قالالىق جول زەرتحاناسى» جشس تاۋەلسىز كومپانياسى اسفالتبەتون مەن قۇرىلىس ماتەريالدارىنىڭ ساپاسىن, قۇرىلىستىڭ ساپاسىن تولىق باقىلاپ تۇرادى.
