بۇل, مەنىڭ ويىمشا, ەكسپو-2017 حالىقارالىق كورمەسىنىڭ زاڭدى جالعاسى ىسپەتتەس جوسپار. ەستەرىڭىزدە بولسا, استاناداعى ەكسپو كورمەسى اياسىندا 100-دەن اسا مەملەكەتتىڭ, حالىقارالىق ۇيىمدار مەن كومپانيالاردىڭ وكىلدەرى «بولاشاقتىڭ ەنەرگياسىنا» بايلانىستى XXI عاسىرداعى الەمدى مازالاعان نەگىزگى ەنەرگەتيكالىق ماسەلەلەردى تالقىلاپ, شەشىمىن تاپقان الاڭعا اينالعان ەدى.
گازداندىرۋ باستاماسى الدىمەن ەلدى ەنەرگيامەن قامتاماسىز ەتۋدىڭ ايماقتىق تەپە-تەڭدىگىن قالىپتاستىراتىندىعىنا كوز جەتكىزىپ وتىرمىن. گاز قۇبىرى سولتۇستىككە دەيىن جەتىپ, الەۋمەتتىك جانە ەكونوميكالىق سەرپىلىستەرگە جول اشادى.
سونداي-اق تابيعي گاز قورشاعان ورتاعا زالالى از وتىن بولعاندىقتان, ەكولوگيانىڭ جاقسارۋى كەلەر ۇرپاقتىڭ دەنى ساۋ بولۋىنا ىقپال ەتەدى. تيىسىنشە, دەنساۋلىق ساقتاۋ سالاسىنىڭ جۇگى دە جەڭىلدەي تۇسەدى.
ەڭ باستىسى, حالىقارالىق ينۆەستورلاردى تارتۋعا جاعداي تۋعىزاتىن بۇل جوبانىڭ ستراتەگيالىق ماڭىزىن دا جوققا شىعارۋعا بولمايدى. ءبىر سوزبەن ايتقاندا, پرەزيدەنتتىڭ بەس باستاماسى ەلدى ولشەۋسىز تابىسقا كەنەلتكەلى وتىر.
پاسكال لورو,
شۋازەل ينستيتۋتىنىڭ پرەزيدەنتى,
ەكسپو-2017 حالىقارالىق كورمەسىندەگى فرانتسيا پاۆيلونىنىڭ بۇرىنعى كوميسسارى
