01 جەلتوقسان، 2011

اقجولتاي سايلاۋ بولاتىن

165 رەت كورسەتىلدى
مەنىڭ سانالى عۇمىرىمنىڭ ءبىراز بولىگى مەملەكەتتىك باسقارۋ ور­گان­دارىندا ءوتتى. وبلىستىق اتقارۋ كوميتەتىنىڭ توراعاسى بولعان كەزىمدە مۇنايلى اتىراۋدىڭ ءار سالاسىن، ءار اۋدانى مەن ءار اۋىلىن دامىتۋ، وركەندەتۋ ءۇشىن ەڭبەكتەندىك. جو­عارعى كەڭەسكە دەپۋتات بولىپ ساي­لانعاندا دا ءوڭىردىڭ پروبلەماسىنا ۇكىمەتتىڭ،  ءتيىستى مينيسترلىكتەردىڭ نازارىن اۋدارۋعا تۋرا كەلدى. ءوڭىردىڭ وركەندەۋىنە قاتىستى كەيبىر ماسەلەلەرمەن مينيسترلەر كەڭەسىنىڭ توراعاسى نۇرسۇلتان نازارباەۆپەن دە ورتاق مۇددە تۇرعىسىندا پىكىرلەس بولىپ ەدىك. ول سول كەزدىڭ وزىندە ءار وبلىستىڭ پروبلە­مالارىن جەتىك بىلەتىنىن اڭعارتۋشى ەدى. جاس جىگىتتىڭ جانارىنداعى جالىنداعان وتتى، ەلگە، تۋعان جەرگە جاناشىرلىعىن، وتانشىلدىق سەزىمىن كورىپ، قىزمە­تىنە سىرتتاي تىلەۋلەستىك تانىتىپ جۇردىك. ال، 1991 جىلى 1 جەلتوقساندا ەلىمىزدە العاش رەت پرەزيدەنت سايلاۋى وتكىزىلدى.  بۇل – ءبىزدىڭ ەلىمىزدەگى مەملەكەت باسشىسىنا سەنىم بىلدىرگەن ەڭ تۇڭعىش سايلاۋ. سول سەبەپتەن دە ءار كىمنىڭ ويىندا مەملەكەتتىڭ تىزگىنىن ەلدىڭ كەلەشەگىن ويلايتىن، ۇلتتىق مۇددەنى كوزدەيتىن باسشىعا تاپسىرساق دەگەن ءۇمىت وتى وياندى. رەسپۋبليكا حالقى سول ساتتە ەلگە تۇتقا بولاتىن بىردەن-ءبىر ۇمىتكەر  نۇرسۇلتان نازارباەۆ دەپ تانىدى. سول كۇنگى سايلاۋدا داۋىس بەرۋگە اسىققان جۇرتتىڭ كوپتىگىن ءالى ۇمىتقان جوقپىن. مەن دە العاشقىلاردىڭ قاتارىندا سايلاۋ ۋچاسكەسىنە ەرتەلەتىپ بارىپ، ءوز داۋسىمدى نۇرسۇلتان ءابىش ۇلىنا بەرگەن ەدىم. مەن سەكىلدى وعان سەنىم بىلدىرگەندەر دە كوپ ەدى. ەلدىڭ بۇل تاڭداۋى ءوزىنىڭ جەمىسىن بەردى. مەنىڭشە، ەلباسىنا سەنىم بىلدىرگەن سول سايلاۋ ەل تاۋەلسىزدىگىنە جول اشقان اقجولتاي سايلاۋ بولاتىن. ولاي دەيتىنىم، سول سايلاۋدان سوڭ تۋرا 15 كۇن وتكەندە ەلىمىز دەربەستىگىن الىپ، تاۋەلسىز قازاقستان اتاندى.  بىراق ەلدىڭ تۇرالاعان سالالارىنا ەڭسە تىكتەتۋ وڭاي ەمەس ەدى. وسىناۋ قيىن كەزەڭدە ەلى سەنگەن ەلباسى نۇرسۇلتان نازارباەۆ رەفورمالاردى جەدەل ەنگىزىپ، شەتەلدەن ينۆەستيتسيا تارتۋعا قادام جاسادى. وزىنە سەنىم بىلدىرگەن حالىقتىڭ ءۇمىتىن اقتاۋعا ۇمتىلدى. سودان بەرگى 20 جىلدا قازاقستان الەمدەگى قۋاتتى ەلدەردىڭ قاتارىنا ەندى. ەكونوميكانىڭ ءار سالاسى ساۋىقتى، اۋىلدارىمىز ەڭسە تىكتەدى. تۇرمىس تۇزەلدى. شەتەلدىكتەرمەن باسەكەلەس بولاتىن ۇزدىك ماماندارى­مىزدىڭ شوعىرى قالىپتاستى. قازىر قازاقستاندى جاھان جۇرتى تانيدى، جاۋ­ھار­داي جايناعان ەلوردامىز – استاناعا قىزىعىپ، ءارى قىز­عانىپ قارايدى. ۇدەمەلى يندۋستريالىق-ين­نوۆا­تسيا­­لىق جوبالار ىسكە اسىپ جاتىر. ءبىر سوزبەن ايت­قاندا، تاۋەلسىز قازاقستاننىڭ ەكونوميكاسى وركەندەدى، قازاق­تىڭ وركەنى ءوستى. ەلگە قۇت دارىدى، بەرەكەمىز تاسىدى. وسىنىڭ ءبارى ەلباسىنىڭ ەرەن ەڭبەگىنىڭ جەمىسى! الدا دا وسى باعىتتان تايماي، بىرلىگىمىز نى­عايىپ، قازاقستانىمىزدىڭ قۋاتى ارتا بەرسىن! ەسەن تاسقىنباەۆ، مەملەكەت جانە قوعام قايراتكەرى، اتىراۋ وبلىسىنىڭ قۇرمەتتى ازاماتى. اتىراۋ.
سوڭعى جاڭالىقتار

ۇقساس جاڭالىقتار